Режимот на вежбање на еден суперхерој
На почетокот на неговата филмска кариера, актерот Рајан Рејнолдс изгледаше како обично момче коешто не води грижа за својот изглед. Потоа, во неговата кариера се појави улогата на детектив во познатиот филм Blade: Trinity која го лансира во холивудски актер со тело на акционен херој. Неговата физичка трансформација не се случи преку ноќ.
Напорно вежбал три месеци, шест дена во неделата и дневно внесувал 3 200 калории. Јадел на секој три часа, не јадел јаглехидрати после 20 часот и најмногу вежбал бодибилдинг. Со ваквиот режим, тој успеал да направи голема мускулна маса.
„Тој период ми го промени животот бидејќи ме научи дека всушност можеш да ги правиш нештата за кои претходно си мислел дека се невозможни“, вели тој.
По втор пат напорно вежбал за неговата улога во Deadpool, кога за кратко време морал да ја зголеми мускулната маса. Денес, неговиот тренинг е повеќе функционален а помалку естетски. Тој има личен тренер со кој соработуваат уште од подготовките за неговата улога во Blade: Trinity, кој го одржува во форма со тоа што постојано му ги менува вежбите.
План за вежбање за улогата Ханибал Кинг во Blade: Trinity
Спротивно на позната пракса, Рејнолдс најпрво правел вежби за стомачни мускули. Правел помеѓу 500 до 1 000 стомачни дневно. Тој признава дека најтешко се добиваат долните стомачни мускули и за да ги развие колку што може повеќе, вежбал со помош на топка за вежбање и тегови. После тоа, следел класичен тежински тренинг. Шест дена вежбал секој ден и тоа различна група на мускули. Целосниот негов фитнес план може да го прочитате овде.
