Гоџи бобинките можат да придонесат за поголемо здравје, виталност, долговечност, енергија и издржливост – со едно име, СУПЕРХРАНА!
Lycium barbarum – бобинките со светло црвена боја и горчлив вкус се детално истражувани, особено поради нивната способност да ги подобруваат невролошките и психолошките карактеристики, функциите на дебелото црево, а исто така можат да ги зголемат кардиоваскуларните перформанси. Гоџи бобинките се многу слични на другите бобинки – како боровинки и малини – со тоа што обезбедуваат високо ниво на антиоксиданси, кои го помагаат зајакнувањето на имунолошкиот систем и имаат силно антиинфламаторно дејство, бидејќи се борат против слободните радикали. Свежи, како и суви тие се одлични извори на витамин А – моќен природен антиоксиданс кој е потребен на телото за одржување на интегритетот на кожата и слузокожата, неопходен витамин и за добар вид.
Постојат научни податоци дека црвените мали плодови помагаат во заштитата на ганглиските клетки во мрежницата на окото. Зеаксантинот, природниот антиоксидант кој се содржи во бобинките има својство да врши филтрирање на УВ (ултравиолетовите) зраци во дел од макулата лутеа, дел од ретината во очите. Имаат заштитно дејство во превенција од age related macular disease (ARMD) кај постарите лица а со тоа и намалување на ризикот за развој на глауком.
Благодарение на нивната способност да го намалат нивото на шеќер во крвта, помагаат во лекувањето на дијабетесот, ги регулираат нивоата на холестерол и ги одржуваат триглицеридите во идеална рамнотежа и воедно го регулираат високиот крвен притисок. Исто така помагаат во регулацијата на промените на расположението, особено имаат дејство против некои видови депресија и анксиозни состојби.
Ова овошје е есенцијално за одржување на здрава и еластична кожа. Со помош на своите состојки врши регенерација на кожата, го забавува процесот на стареење а новите истражувања покажуваат дека воедно позитивно влијае и на машката потенција и зголемување на либидото.
Бобинките биле употребувани во традиционалната кинеска медицина повеќе од 2.000 години. Некои легенди известуваат дека гоџи бобинките биле дел и од исхраната на монасите на Хималаите пред илјадници години.
Типичен за кинеската традиционална медицина преставува чајот, кој може да се подготви од лисјата на растението и од кората на неговите корени. Чајот има својство да го инхибира дејството на многу патогени бактерии и габи.
Тие исто така се и одличен извор на бета-каротен и железо. Гоџи бобинките нудат повеќе бета-каротен од морковите и повеќе железо од сојата и спанаќот, што ги прави одлични во справување со дефицитот на железо!
Железото, како компонента на хемоглобинот во црвените крвни клетки, го одредува кислородниот носечки капацитет на крвта. Калциумот е важен минерал кој е суштински составен дел на коските и забите, помага при контракција на мускулите, спречува згрутчување на крвта и ја подобрува спроводливоста на нервните импулси. Понатаму, свежи, како и суви бобинки, носат соодветни дневни препорачани нивоа на Б комплекс витамините. Сувиот гоџи содржи големи количини на пиридоксин (витамин Б6), тиамин, ниацин, пантотенска киселина и рибофлавин. Овие витамини дејствуваат како кофактори и помагаат телото да ги метаболизира јагленохидратите, протеините и мастите.
Одредени флавоноиди кои се наоѓаат во бобинките од гоџи се кверцетин, каемферфел, мирицитин, хесперидин и рутин. Тие делуваат како антиоксиданти, антиинфламатори и антиканцерогени агенси.
Сите знаеме дека најголем извор на витамин Ц претставува портокалот! Кога ќе ги споредите гоџи плодовите и портокалите како богат извор на витамин Ц ќе добиете сознание дека гоџи бобинките содржат и до 500 пати повеќе витамин Ц во споредба со портокалот!
Бобинките претставуваат одлична протеинска ужинка за било кој дел во текот на денот, со околу четири грама протеини по порција, ниско ниво на калории, претставува добар извор на растителни влакна со чија помош ефикасно можете да управувате со вашата телесна тежина како и да го подобрите варењето на храната. Најчесто бобинките се конзумираат суви. Одлични се во комбинација со мусли, јаткасти плодови, друго сушено овошје, јогурт, а служат и како додаток во супи, салати, колачи, кремови.
Се одликуваат со импресивна листа на незаситени амино киселини, особено 11 типови кои се сметаат за „есенцијални“ вклучувајќи ја алфа – линоленска киселина и линолеинска киселина.
Со своите хранливи вредности придонесуваат за поголемо здравје, виталност, долговечност, енергија и издржливост – со едно име – СУПЕРХРАНА!
