Колку здравите производи се навистина здрави?
Палминото масло е растително масло со карактеристичен и непријатен вкус. Има темножолта или црвена боја. Палминото масло со црвена боја се добива од плодот на палмата и во нерафинирана состојба e богато со витамин Е и бета-каротен. Во темножолтото масло, добиено од семката на плодот, тврдата структура има заситени масни киселини 49%, омега 9 масни киселини 40 %, мега 6 масни киселини 10 %, витамин Е 15 мгр и витамин А 11 мг. Жолтото масло се добива преку прочистување – оксидација и потоа се користи за исхрана, но и за производство на маргарин, свеќи и миризливи сапуни. Денес, сè повеќе се зборува за штетното влијание на жолтото палмино масло врз кардиоваскуларниот систем.
Стеблото на палмата дава најмногу масло по единица површина во споредба со било кој друг род. Tоа доживува експанзија поради ниската цена и можноста за повеќекратна употреба на истото масло. Тајната во повеќекратното користење на маслото е во тоа што по користењето тоа се лади и се враќа во првобитната – тврда состојба. Потоа, по потреба, повторно се топи и со него се готви.
Најчесто се користи во рестораните за брза храна, но често се “подметнува“ и во т.н здрави и органски храни и хигиенски производи. Еве под кои други ознаки можете да го препознаете присуството на жолтото палмино масло во производите: Palm Kernel, Palm Oil Kernel, Palm Fruit Oil, Palmate, Palmitate, Palmolein, Glyceryl Stearate, Steric Acid, Elaeis Gueneensis, Palmitic Acis, Palm Stearine, Palmitoyl oxosteramide, Palmitoyl tetrapetide-3, Sodium Palm Kernelate, Sodim Kernelate, Hyrated Palm Gycerides, Cetyl Palmitate, Octyl Palmitate, Palmityl Alchohol, Vegetable Oil, Vegetable Fat, Sodium Laureth Sulfate, Sodium Lauryl Sulfate, Sodium Dodecyl Sulphate (SDS или NАDS), Stearth 2, Steareth -20, Sodium Lauryl Lactylate/Sulphate, Sodium Lauryl Sulfoacetate, Sodium Isostearoyl Lactylaye, Cetyl Alchohol.
Друг начин за идентификување на палминото масло во производите е процентот на заситени масти во истите.
Доколку содржи повеќе од 40% заситени масти, загарантирано е присуството на палмино масло во производот. Ако изборот е ваш, не го користете палминото масло за вас и вашите најмили.
