ovci-sipanici-varicela-image
Споделете со пријателите!

Од Министерството за здравство и од Клиниката за Инфективни болести, ги потврдуваат информациите дека годинава, сезоната на овчите сипаници (варичелата) трае малку подолго од нормалното, и е со доста зголемен интензитет во однос на претходните години.
Како што пренесоа Zdravstvo24.mk и ТВ Сител: „Во првите шест месеци годинава има 5400 случаи, што е за илјада повеќе од вкупниот број регистриран во 2015. Само во јуни биле пријавени 1400 заразени со варичела. Најголем број се деца до 6 годишна возраст кои одат во градинка. Неколку заболени со комликации болнички ги третирале на Инфективна клиника.

Овчите сипаници или варичелата се предизвикани од вирусот на варичела (Varicella zoster virus VZV) кој припаѓа на фамилијата на Херпес вируси. Истиот е високо заразен, лесно се пренесува преку контакт, но и преку капков пат (преку воздух при кашлање или кивање). Вообичаено кај мали деца нема посериозни последици, освен досадното чешање, но може да има доста сериозни последици кај постари лица, лица со намален (или без) имунитет (HIV, канцер), кај трудници за плодот, и слично. 

Конкретен третман за лекување, како и за најголемиот дел од вирусни инфекции, непостои, а најдобра заштита е вакцинирањето и изолацијата на болните.

Ефективноста на вакцина притив варичела според студиите во Јапонија, САД, Австралија е:

Една доза

  • 1 доза на вакцината против варичела е:
    • 85% ефикасни во спречување на било каква форма на варичела
    • речиси 100% ефикасна против тешки форми на варичела

Две дози

  • Во клинички студии пред лиценцирање, 2 дози на вакцина биле:
    • 98% ефикасни во спречување на било каква форма на варичела
    • 100% ефикасни против тешки форми на варичела
  • Во пост лиценцни студии, ефикасноста кај 2 дози на вакцина е:
    • 88% до 98% ефикасна во спречување на сите форми на варичела

Кај деца со ХИВ-инфекција

  • 1 доза на вакцината против варичела  е 82% ефикасна во спречување на било каква форма на варичела

„Вакцината против варичела не дава добар имунитет и затоа не е задолжителна. Некои земји ја имаат ставено во календар. Не треба заразени деца да одат во градинка зашто знаеме дека варичела се пренесува по капков пат“ – изјави д-р Јованка Костовска, државен советник во МЗ.

Првиот дел од изјавата е дискутабилен (види табела), но делот од изјавата поврзан со изолацијата е важен и неопходен за спречување на ширењето на заразата. Проблемот лежи во цената на вакцината, која е сè уште прескапа, особено за земјите во развој, а не во нејзината ефективност и ефикасност. За жал, во Македонија вакцината против варичела не е во редовниот календар за имунизација, а немаме информација дали се нуди како изборна, односно по желба.

Извори:

  1. Varicella Vaccine Effectiveness in the US Vaccination Program: A Review
  2. Varicella Vaccine Effectiveness and Duration of Protection
  3. Овчи сипаници
  4. Facts about chickenpox – Paediatrics & Child Health. 2005 Sep; 10(7): 413–414. PMCID: PMC2722564
Прочитајте:  Состојба со грип во Република Македонија, сезона 2015/2016
до 4та недела

Споделете со пријателите!