Робот кој се грижи за вашето здравје [ВИДЕО]

Со Пило никогаш повеќе нема да заборавите да го испиете вашето апче

Сигурно некогаш ви се случило да заборавите да се напиете апче и сте посакале некој да ве потсети. За таа цел е создаден малиот „паметен“ сад за апчиња, кој не само што ве потсетува кога треба да се напиете апче или витамин, туку целосно се грижи за вашето здравје.

Пило (Pillo) е мал и многу корисен робот кој има за цел да се грижи за здравјето на целото семејство. Овој помошник за грижата на здравјето, може да одговори на вашите прашања поврзани со теми од здравјето. Тоа го прави со помош на многу додатоци и сензори кои што овозможуваат гласовна комуникација со корисникот. Овој интелигентен робот може да го поврзете со вашите мобилни уреди и тој ќе ви праќа пораки и на тој начин постојано да се грижи за вас и кога не сте дома. Може да му поставувате прашања од областа на здравјето и здравиот начин на живот (на пр. одреден вид на храна колку калории има).

Пило е проект кој е достапен, односно предложен на познатата платформа Indiegogo (место за собирање парични средства за реализирање на проекти) и во моментов има собрано 97 проценти од предвидените средства, што значи дека за брзо време ќе може да се најде во домовите ширум светот. 

Во прилог, погледнете го ВИДЕОТО: