Споделете со пријателите!
Препорака до родителите и наставниците: не користете црвени пенкала
Блогерката Татјана Иванко – Tatyana Ivanko, во својот блог за детско воспитување, го привлече вниманието со употреба на методот на „зелено пенкало“. Таа тврди дека употребата на црвено пенкало при корекција на работните задачи предизвикува негативна емоција, која од детството се пренесува понатаму во животот. Користењето на овој метод бил непланиран, преку работата со својата ќерка која тогаш била во претшколска возраст. Имено, мајката одлучила да ја заокружува најубаво напишаната буква, наместо со црвено пенкало да го бележи она што е погрешно. Ова решение на користење на зелено пенкало предизвикува сосем различна емоција од користењето на црвеното пенкало кое е синоним за казна, односно за нешто што е погрешно. Резултатот е очигледен: Доколку добива пофалба, детето ќе се труди наредниот пат да биде што подобро, односно да го повтори успехот.
Методот на „зелено пенкало“ е мотиватор, бидејќи не се фокусира на грешките туку на успесите, и тој начин, со тек на време доведува до минимализирање на грешките и добивање исклучиво добри резултати. Психолошката позадина е наградата како потврда на знаењето, кое пак дава чувство на достигнување.
Целта е да се искорени старата навика, на која сите се сеќаваме, односно истакнување на она што е лошо со црвена боја, која понатаму резултира со незадоволство во животот и поттикнува негативна емоција, која може да се замени со методот на „зелено пенкало“ како идеална внатрешна мотивација кај децата, која понатаму ќе помогне при формирање успешни возрасни луѓе.
Споделете со пријателите!
