edno-jajce-dnevno-chekor-podaleku-od-kardiovaskularen-rizik_image
Споделете со пријателите!

Умерена консумација на јајца не го зголемува ризикот од појава на кардиоваскуларни заболувања
Умерена консумација на јајца не го зголемува ризикот од појава на кардиоваскуларни заболувања. Новата студија објавена во БМЈ ја поддржува теоријата дека умерено консумирање на јајца, до едно јајце на ден, не е поврзано со ризикот од развој на кардиоваскуларни заболувања. Јајцата се достапен извор на високо квалитетни протеини, железо и незаситени масни киселини, но заради содржината на холестерол, врската помеѓу внесот на јајца и ризикот од проблеми со срцето е тема на интензивна дебата во последната деценија.

„Оние кои консумираат поголеми количини, имаат поголем индекс на телесна маса“

Многу студии известуваат противречни наоди, па дури и претходните мета-анализи не даваат доследни резултати, што создава дополнителна конфузија кај истражувачите. Според истражувачите кои ја спровеле оваа студија, со цел правилно да се процени врската помеѓу консумацијата на јајца и кардиоваскуларниот ризик, потребни се податоци од голем број на студии кои следат различни режими на исхрана и фактори на живот во голема група на луѓе во текот на долг временски период. Исто така е важно да се земе предвид ефектот на јајцата врз здравјето на срцето во споредба со другите растителни и животински производи, велат истражувачите. Истражувачите ја проучуваат врската помеѓу внесот на јајца и кардиоваскуларните настани, вклучително и фатална корорнарна срцева болест и мозочен удар, за период од 32 години со почеток во 1980 година. Нивните наоди се засноваат на податоци од три големи кохортни студии во Соединетите Држави – две студии за медицински сестри и последователно испитување со специјалисти. Овие вклучуваат 83 349 медицински сестри на возраст меѓу 30 и 55 години, 90 214 медицински сестри во возрасна група 25-44 години и 42 055 здравствени работници на возраст меѓу 40 и 75 години. На почетокот на студијата, ниту еден од учесниците не бил дијагностициран со кардиоваскуларно заболувања, дијабетес тип 2 и карцином. За време на периодот на следење, пријавени се 14 806 случаи на срцеви заболувања, вклучувајќи 9 010 случаи на корорнарна срцева болест и 5 903 случаи на мозочен удар.

Прочитајте:  Планирањето го прави јадењето поздраво и полесно

Долготрајното набљудување открива дека повеќето луѓе јадат меѓу едно и пет јајца неделно, а според истражувачите, оние кои консумираат поголеми количини, имаат поголем индекс на телесна маса. Со споредување на возраста, начинот на живот и навиките на јадење, не беше пронајдена врска помеѓу внесот на јајца и кардиоваскуларен ризик. Сепак, истражувачите наидуваат на интересни заклучоци дека ризикот од кардиоваскуларни заболувања се зголемува со заменување на јајцата со порција преработено црвено месо (15%), необработено месо (10%) или полномаслено млеко (11%). Храната, како риба, живина, мешунки, сирење и ореви, не се поврзани со кардиоваскуларен ризик. Резултатите од ажурираната мета-анализа на 28 студии за набљудување дополнително ги поддржуваат наодите од оваа студија, но податоците варираат помеѓу студиите спроведени во САД, Европа и Азија. Немало врска помеѓу комсумирање на јајца и кардиоваскуларниот ризик кај учесниците во американски и европски студии, но азиските студии покажаа помала веројатност за проблеми со срцето. Истражувачите ја објаснуваат разликата во фактот дека во азиските земји јајцата обично се вклучени во широк спектар на јадења, додека во западните земји населението има тенденција да ги конзумира во комбинација со црвено и преработено месо. Авторите на оваа студија потенцираат дека долг период на следење и поголем број на испитаници се клучни предности, но додаде дека треба да се земе предвид дека станува збор за тоа дека консумацијата на јајца е релативно мала, или умерена.


Споделете со пријателите!