doenjeto-moze-da-mu-prenese-lekovi-na-bebeto_image
Споделете со пријателите!

Постојат доста лекови што мајката несвесно може да му ги пренесе на бебето токму преку доењето
Доењето во јавност повеќе не е табу тема, но новите мајки треба да внимаваат дали правилно го дојат своето бебе. Светската недела на доењето постои токму со таа цел – да ги едуцира мајките и да ги поддржува за да дојат и овозможува едуцирање на јавноста за здравствените придобивки од доењето. Сепак, доилките треба да знаат кои се и ризиците за да се заштитат себе и своето дете. Тие не само што треба да внимаваат на храната што ја консумираат додека нивното бебе цица, туку треба особено внимание да посветат на тоа дали и какви лекови земаат.

Дури и навидум безопасните креми можат да се опасни за бебето 

Лековите, антибиотиците, суплементите и другите синтетички и природни препарати што ги консумира доилката се пренесуваат на бебето низ нејзиниот крвоток преку мајчиното млеко. Како што објаснува д-р Лесли, количеството на лекот екстрахиран низ дојките е обично 1-2% од консумираното количество на лекот од страна на мајката. Доколку морате да пиете орални лекови додека доите, најдобриот план е да доите пред да го земете лекот. На овој начин во циркулаторниот систем на мајката ќе има помало количество од лекот што таа го зема.

doenjeto-moze-da-mu-prenese-lekovi-na-bebeto_image1Оваа шема е најдобра за лековите што се земаат неколку пати во текот на денот и не остануваат долго во крвотокот на мајката. Прашајте го лекарот дали лековите што имаат подолго дејство и што подолго се задржуваат во крвта на мајката, вообичаено оние кои се земаат еднаш дневно, можат да бидат заменети со слични лекови со пократко дејство. Насоки за правилна употреба на лекови за време на доењето може да најдете на страницата на Американската академија на педијатрите – American Academy of Pediatrics.

Опасност од оралните лекови против акни за време на доењето 

„Тетрациклинот е најчесто употребуван орален антибиотик за акни и експертите сметаат дека не треба да се зема за време на доењето“

Д-р Лесли Буман (Leslie Baumann) (https://en.wikipedia.org/wiki/Leslie_Baumann) е сертифициран дерматолог кој пишува за New York Times, вели дека акните се чест проблем за време на бременоста и може да продолжат и по раѓањето додека мајката уште дои. Скоро сите козметички препарати за нега на кожата на телото, не само лековите, можат да бидат пренесени на новороденчето. Па, затоа доилките треба многу да внимаваат што користат додека дојат. Д-р Буман исто така е директор на Институтот за козметика и истражувања „Бауман“ во Мајами.

Прочитајте:  15 предупредувачки знаци за заболување од дијабетес [1 дел]

Тетрациклинот е најчесто употребуван орален антибиотик за акни и експертите сметаат дека не треба да се зема за време на доењето, затоа што може да ги оштети забите на доенчето. Оралната контрацепција исто така се користи за лекување акни, но овие лекови пак, содржат хормони што можат да се пренесат низ млекото. Иако безбедноста на антибиотиците кои мајката ги нанесува на кожа за време на бременоста се` уште не е детално истражена, логично е дека мала количина од лекот ќе стигне и до бебето. Побарајте стручен совет од лекар за терапиите што (треба да) ги примате и како тие може да се одразат на бебето преку доаењето, дали може да бидат паузирани, стопирани, намалени или заменети?

Следете ги реакциите кај бебето

„Доколку забележите некакви необични реакции кај бебето, веднаш консултирајте се со лекар или фармацевт“

Научно е докажано дека бебињата кои цицаат имаат подобар имунитет во текот на животот, но доколку млекото на мајката е токсично и неквалитетно, доејќи може да му направите поголема штета отколку корист. Додека доите земајте лекови доколку навистина морате и доколку имате таква можност одложете го започнувањето на користењето на одредени лекови кога бебето малку ќе потпорасне. Доколку забележите некакви необични реакции кај бебето, веднаш консултирајте се со лекар или фармацевт.

Друг начин за доење и кога мора да земате лекови кои за бебето и не се од најголема корист е носењето со себе на електрична пумпица за собирање на млекото. На овој начин секогаш вашето бебе ќе биде обезбедено со млеко кое сте го измолзиле во периоди кога во вашиот крвоток има најмало количество од лекот што „морате“ да го пиете.


Споделете со пријателите!