Лицата над 60-годишна возраст земаат најмногу лекови и тоа најчесто за хронични состојби
Тој по доста време поминато во истражувања, во 1993 година ја основа програмата „Здрава промена на срцето“ (Healthy Change of Heart™) – иновативна програма од 10 недели, создадена за лекување на срцевите болести и подобрување на животот низ диета, вежби и контролирање на стресот.
Оттогаш илјадници задоволни пациенти што учествувале во програмата, постигнале значителни резултати во подобрувањето на срцевата благосостојба.
1. Не земајте лекови коишто се препишани за состојба што може да биде предизвикана од друг лек. На пример, некои луѓе имаат ГИХТ (болно воспаление на палецот или зглобот предизвикано од покачена урична киселина). Доколку земаат диуретици, тоа го зголемува нивото на урична киселина во телото. Одговорот е да се прекине со диуретиците.
2. Разгледајте ја листата на лекови со вашиот лекар. Честопати лековите се давани од страна на специјалист за одредена состојба и тоа за неопределено време, што може да ви наштети. Семејниот лекар или интернист ја знае пошироката слика, може да ви помогне да отфрлите некој лек којшто повеќе нема потреба да го земате.
3. Имајте ја листата со вашите лекови со вас: во џеб, во паричникот, во чантата или во мобилниот телефон. Доколку сте во итна ситуација и не се сеќавате на имињата на лековите што ги пиете, ваквата листа може да ви го спаси животот. Исто така, на овој начин може да превенирате земање на сличен и погрешен лек.
4. Не прекинувајте со земањето на некој лек, само затоа што сте прочитале некаков негативен натпис за него, без да се консултирате со вашиот лекар. Ова може да предизвика голема штета врз здравјето и на пример нагло покачување на нивото на холестеролот, шеќерот или крвниот притисок.
5. Сите лекови што се достапни без рецепт не се безопасни. Честопати претпоставуваме дека суплементите не можат да предизвикаат несакани последици и ова не е вистина. Некои суплементи за слабеење можат да бидат многу опасни. Други навидум безбедни лекови, како маслото од кантарион, може да имаат контрадикторно дејство со комбинација со други лекови. Кантарионот, на пример, може да го намали дејството на многу лекови коишто се пијат за намалување на нивото на холестерол.
6. Прашајте го вашиот лекар дали лековите без лекарски рецепт може да бидат добра опција. Доколку пациентите се во можност да симнат некој килограм и редовно да вежбаат, почетокот на дијабетесот кај возрасните може да исчезне. Постојат некои алтернативни лекови без рецепт за оние кои не се многу толерантни на лекови.
7. Бидете искрени и одговорни. Додавањето на нов и посилен лек за хронична состојба затоа што се срамите да му признаете на лекарот дека не сте го зеле она што ви било препишано, не е добра идеја и може да резултира со предозирање.
8. Повозрасните пациенти треба да водат посебно внимание за проблемот наречен политерапија. Староста со себе обично носи редица на здравствени состојби и заболувања, па најчесто потребни се различни лекови за секој организам. Некогаш малите дози може да се потребни за превенција на несаканите последици.
9. Разберете каква е улогата на секој лек што ви е препишан. Разговарајте со вашиот лекар за можните несакани последици од лековите, како да ги избегнете и за сите алтернативни решенија кои можат да ви помогнат во вашата ситуација. Разговарајте и за несаканите последици доколку ги прескокнувате дозите или ја прекинете терапијата.
10. По првите негативни симптоми, веднаш обратете се на лекар. Доколку сте искусиле негативни последици од некои лекови или не може да толерирате одреден лек, не треба да го користите. Сепак, дозволете му на вашиот лекар да одлучи дали треба истиот да го прекинете или да ја намалите дозата и дали постои друго алтернативно решение или сличен лек што ќе можете да го толерирате.
