korona-vakcina-1
Споделете со пријателите!

Американскиот фармацевтски гигант Johnson & Johnson, тврди дека со тестирање на експерименталната вакцина против корона вирус ќе се почне до септември а вакцината би можела да биде достапна за итна употреба на почетокот на следната година.
Компанијата во понеделникот соопшти дека заедно со Одделот за здравство и човечки услуги, има наменето повеќе од една милијарда долари за заеднички развој и тестирање на вакцината. Исто така во изјавата беше потенцирано дека ако испитувањата на вакцината се покажат успешни, компанијата ќе може да произведе повеќе од милијарда дози.

Во изјавата на Johnson & Johnson, исто така се вели дека првите вакцини ќе бидат спремни за употреба во итни ситуации на почетокот на 2021 година.

Директорот на компанијата, Alex Gorsky, рече дека почетните истражувања влеваат надеж дека експерименталната вакцина веројатно би се покажала како ефикасна.

“Имаме кандидат кој има многу голема веројатност да биде успешен против COVID-19” – изјавил тој. “Имаме производствени капацитети кои би го покриле процесот во релативно краток временски период и тој би бил за брзо време достапен” – додаде Gorsky.

Тој исто така рече дека до средината на 2021 година се планира да се произведат околу стотина милиони дози.

Компанијата Johnson & Johnson истакна дека ја развиваат вакцината на непрофитна основа и немаат проценка колку истата ќе ги чини потрошувачите. Акциите на компанијата пораснаа во понеделникот.

„И покрај тоа што студиите со вакцина се веќе во фаза на испитување кај луѓето, сепак ќе треба да се поминат уште многу бариери пред истата да биде достапна за глобална имунизација.“

Уште една американска компанија, Moderna Therapeutics од Кембриџ, Масачусетс, во партнерство со Американскиот Национален Институт за Здравје, исто така веќе започна со испитување на врз луѓе на сопствената вакцина против корона вирус.

Министерството за здравство на Америка, се обрати исто така во изјава во понеделникот во која се вели дека заедно со Johnson & Johnson и Moderna Therapeutics, работат на забрзан развој на вакцината. Тие исто така напоменаа дека ќе соработуваат и со компанијата и со Американската агенција за храна и лекови на “поедноставување на развојните и регулаторните процедури како би можело во што пократок временски рок да биде достапна безбедна и ефикасна вакцина.

Прочитајте:  Втор случај на Зика вирусот во Словенија

korona-vakcina-2

Сите потенцијални вакцини мораат да поминат низ неколку фази на испитување за да се докаже дека се ефикасни и безбедни. Научниците мора внимателно и подолго време да ги пратат испитаниците на кои се аплицира експерименталната вакцина за да утврдат дали истата предизвикува имунолошки одговор на корона вирусот и дали кај испитаниците се појавиле несакани ефекти.

Освен во Америка, научниците и во другите делови на светот, интензивно работат на пронаоѓање на вакцина против COVID-19, вклучително и во Кина од каде што и започна пандемијата со вирусот.

 


Споделете со пријателите!