Физички, хипничните грчеви наликуваат на „скок“ што го доживува лицето кое заспива, понекогаш придружено со чувство на паѓање.
Дали некогаш сте се разбудиле од спиење со чувство дека паѓате? Ако е така, не сте сами, многу од нас го искусиле ова чувство еднаш или повеќе пати. Овие несакани мускулни грчеви во рацете, нозете или целото тело се нарекуваат хипнични спазми или грчеви/неволни движења на нозете рацете или целото тело што се случуваат во моментот на заспивање. Физички, хипничните грчеви наликуваат на „скок“ што го доживува лицето кое заспива, понекогаш придружено со чувство на паѓање. Хипничките грчеви се поврзани со брзо срцебиење, забрзано дишење, пот, а понекогаш и чудно чувство на „шок“ или паѓање во празнина. Почесто се појавува кај луѓе со нередовно спиење.
До 70 проценти од луѓето ги доживуваат повремено – но никој не знае што точно ги предизвикува.
Се разбира, постојат некои теории. Една од нив е дека тие се резултат на природното забавување на нервниот систем што се случува додека заспиваме. Како што се забавува дишењето и срцевата работа и температурата на нашето тело опаѓа, мускулниот тонус се менува, а ова чувство се случува за време на транзиција при паѓање во сон.
Друга теорија сугерира дека при тонење во сон, нашиот мозок погрешно го толкува релаксирањето на нашите мускули како знак дека всушност паѓаме и им сигнализира на мускулите да реагираат со засилен тонус, за да не заштитат.
При проучување на ова прашање научниците веќе дошле до неколку потенцијални причини. Некои од нив вклучуваат стрес, кафе, вознемиреност, како и вежбање доцна во ноќта. Иако оваа појава се случува почесто кај луѓе со лош хигиено диететски режим и навики за спиење, тие исто така имаат тенденција да се случуваат во сосема нормални и здрави лица.
Совети за лекување на хипнагогичната бура
Намалете го кофеинот
Една од првите работи што би можеле да ја направите е да го избегнете кофеинот попладне и вечер. Ако сакате да се напиете освежително кафе во попладневните часови за да ги завршите активностите, ова може да има сериозен ефект врз вашиот ноќен сон. Неговиот недостаток, од друга страна, лесно може да предизвика хипничен грч.
Избегнувајте алкохол
Ова е другата работа што можеби ќе сакате да ја тргнете знаејќи како влијае. Велејќи не на овој сладок нектар ќе ви овозможи да го подобрите вашиот сон и да го спречите хипничниот грч. Алкохолот всушност, е стимуланс, како и депресант. Како таков, тој лесно може да влијае на целокупниот хемиски процес која се случува во мозокот и го прави заспивањето тешко, ако не и невозможно.
Секако, звучи примамливо да се напиеме чаша вино, но поважно е да се забележи дека оваа навика може да го загрози квалитетот на спиењето.
Вежбање
Не правите ништо погрешно – вежбањето е одлично за вашето тело, и треба да го практикувате. Сепак, постои соодветно време од денот кога треба да се вежба. Ако го практикувате пред спиење, ова лесно би можело да предизвика хипнотичен грч. Всушност, , ова е една од водечките причини.
Анксиозност е исто така причина која може да доведе до оваа појава.
Како да се справите?
Исклучете се себе си
Направете навика која ќе ви биде рутина пред спиење. Ова вклучува серија работи што треба да ги направите половина час пред да заспиете. Најпрво, добра идеја е да ги опуштите вашите мисли и да се откажете од размислување за проблемите на денот.
Второ, целосно исклучете ја технологијата. Исклучете го телевизорот, заборавете го телефонот, ставете го лаптопот во друга просторија и едноставно останете сами во мрак и тишина. Вашиот ум брзо ќе се приспособи на таа средина без стрес, која ќе предизвика релаксација. Ова ќе се претвори во подлабока состојба која ќе доведе до спиење.
Како оваа состојба може да влијае на вашиот живот?
Ако ситуацијата стане хронична,таа може да има прилично сериозно влијание врз вашиот живот. Тоа ќе резултира со лишување од сон, кое брзо ќе премине во состојба на стрес и анксиозност. Покрај тоа, недостатокот на сон, знае да предизвика многу проблеми, како што се депресија, зголемување на телесната тежина, покачен крвен притисок, срцеви состојби и други нарушувања. Се разбира, ова се најлошите сценарија за лицата кои хронично се соочуваат со оваа состојба.
Хроничната појава на хипничен грч е показател дека треба да направите чекор назад и да погледнете во вашиот целокупен начин на живот. Ова прашање треба да го разгледате до степен во кој ќе ја преземете одговорноста и ќе ги поправите лошите навики за кои се знае дека ја предизвикуваат оваа несакана реакција.
Неколку мали измени во вашиот секојдневен живот би можеле брзо и ефикасно да го решат проблемот.
