dali-detoksikacijata-e-samo-golema-laga_image
Споделете со пријателите!

Детоксикација – вистина или лага?
Идејата со „магично стапче“ да ги избришете сите ваши висококалорични (и алкохолни) „гревови“ секако звучи примамливо. Сепак, не треба да се препуштите на ветувањата од детоксикацијата која станува сè погласна во моќната детокс индустрија. Пред да си исцедите уште еден сок од неколкуте килограми овошје и зеленчук или пред да закажете преглед за вашите црева, треба да знаете дека процесот на детоксикација, односно прочистување, организмот го прави сосема сам, со, или без тие “помагала“.

Постојат два вида на детоксикација а само еден од нив е оправдан

Всушност, постојат два вида на детоксикација. Едниот начин е оправдан, а другиот не. Првиот е медицинско лечење на луѓе заболени од  зависност од наркотици – кои им го загрозуваат животот, а другиот начин е таканаречената детоксикација. Целта на истата е да ви се продаде третман повеќе – и наводно со тоа ќе ве исчистат од сите токсини од телото.

Ако навистина сите отрови во вашето тело се складираат на начин на кој ви опишуваат сите кои нудат детоксикација, досега сигурно би биле мртви. Здравото тело има бубрег, црн дроб, кожа, бели дробови – органи кои ги отстрануваат отровите постојано, дури и сега – дури го читате ова. Најголемиот дел од рекламите за производите и услугите кои се однесуваат на детоксикацијата се за т.н отровни супстанции, кои го унишштуваат организмот. Меѓутоа, не е дефинирано кои се тие отрови. Кои тие би се именувале, тие би можеле да бидат мерени пред и по третманот, како би се тестирала ефикасноста на истиот. 

Во 2009 година, група научници контактирале 15 производители на производи кои се продавале низ аптеките под името „детокс“ и им побарале доказ за нивното тврдење, но никој од нив не успеал да го дефинира поимот детоксикација, а ни отровите

Сепак, и денес полиците во супермаркетите и аптеките изобилуваат со „чудотворни“ чаеви, маски за лице, шампони, таблети. Се појавуваат и детокс диети и разни третмани кои гарантираат исфрлање на отровите од телото. И денес сè уште се продаваат лепенки со „супер“ моќ на детокс, кои откако ќе ги ставите на нозете тие потемнуваат. Наводно тие ги собираат отровите од вашето тело. Сепак, вистината е во тоа што тие со обојуваат кога ќе дојдат во допир со пот. Вакви примери има многу. Затоа, треба да бидете соодветно информирани и разумно да прифаќате она што се пласира на пазарот, без оглед на тоа што пишува на нивните етикети.

Прочитајте:  Цедените сокови – здрав избор или мода на денешното време

Споделете со пријателите!