temnoto-chokolado-go-namaluva-stresot-ja-podobruva-memorijata_image
Споделете со пријателите!

Нови истражувања откриваат дека консумацијата на одредени видови темно чоколадо може да обезбеди здравствени придобивки.
Наодите од две студии претставени на годишниот настан „Experimental Biology 2018“ во Сан Диего, Калифорнија, открија дека конзумирањето темно чоколадо кое има висока концентрација на какао, односно минимално количество од 70 отсто, може позитивно да влијае врз нивоата на стрес, воспаленијата, расположението, меморијата и имунитетот.

Познат е фактот дека какаото е главен извор на флавоноиди – исклучително моќни антиоксиданти и антивоспалителни агенси со познати механизми коишто се корисни за мозокот и кардиоваскуларното здравје на човекот.

„Какаото е главен извор на антиоксиданти корисни за мозокот и кардиоваскуларното здравје на човекот.“

Сепак овие две студии се првите досега коишто го истражиле ефектот на какаото во големи количини со цел да утврдат дали и како може да го поддржи когнитивното, ендокриното и кардиоваскуларното здравје кај човекот. Двете студии беа претставени на „Experimental Biology 2018“ биле предводени од д-р Ли С. Берк, доцент за истражувачки работи на „School of Allied Health Professions“ и истражувач во психоневромунологијата и науката за храна на Универзитетот „Loma Linda“.

„Со години сме сведоци на влијанието на темното чоколадо врз невролошките функции од гледна точка на содржината на шеќер. Но ова е првпат да го разгледаме влијанието на големите количества какао во мали дози, како што е лента чоколадо, кај луѓето во кратки или долги периоди. Наодите се охрабрувачки бидејќи откриваат дека колку е повисока концентрацијата на какао, толку е попозитивно влијанието врз сознавањето, меморијата, расположението и имунитетот на луѓето“, истакнува Берк.

Прочитајте:  Неколку причини зошто треба да јадете јајца

Следниве резултати беа претставени на годишниот настан „Experimental Biology 2018“:

Темното чоколадо коешто содржи 70 отсто какао влијае на човечката генска експресија. Какаото го регулира клеточниот имунолошки одговор, невралната сигнализација и перцепцијата на сензорите.

Експерименталната студија го испитувала влијанието на чоколадото со 70 отсто какао врз човечката имуна и дендрична клеточна генетска експресија, со фокус на проинфламаторни и антиинфламаторни цитокини. Резултатите од студијата покажале дека консумацијата на какао ги регулира повеќекратните интрацелуларни сигнални патишта кои се вклучени во активацијата на Т-клетките, клеточниот имунолошки одговор и гените кои се вклучени во нервните сигнали и сензорната перцепција.

Темното чоколадо со 70 отсто органско какао ги зајакнува невропластичноста, невралната синхронија, когнитивната обработка, учењето, меморијата и потсетувањето.

По конзумирање на 48 грама темно чоколадо коешто содржело 70 отсто какао истражувачите ја процениле реакцијата на електроенцефалографијата (ЕЕГ) на модулирање на мозочните фреквенции 0-40Hz по акутен временски период (30 мин) и по хроничен временски период (120 мин). Резултатите покажале дека темното чоколадо со 70 отсто какао ја зголемува невропластичноста што придонесува за здравјето на мозокот.

Берк вели дека студијата бара понатамошно задлабочување во темата за да се утврди значењето на овие ефекти за имуните клетки и мозокот, особено кај поголема група на испитаници. Во тек е понатамошно истражување за да се елаборираат механизмите кои можат да бидат вклучени во односот на причинско-последичниот однос помеѓу мозокот со какаото при висока концентрација.


Споделете со пријателите!