Споделете со пријателите!
Ако немавте време да направите туршија, еве рецепт за брза туршија
Не постои човек кој не сака брзи рецепти. Како тестото за пица од минатиот пост, или оваа туршија која може веднаш да се јаде, после само неколку часа, без чекање со недели да се скисели. Можете да употребите и други зеленчуци (ротквици, цвекло, пиперки…).
- 3 шолји вода;
- 3 шолји оцет;
- 3 лажици сол;
- 3 лажици шеќер;
- пола карфиол;
- 10-тина моркови;
- 5 – 6 краставички;
- 1 трупка;
- коријандер во зрно;
- црвен бибер во зрно;
- црн бибер во зрно;
- 2 лукчиња.
Измијте го зеленчукот, излупете ги морковите и трупката, карфиолот, исечете го на крупни парчиња. Наполнете ги теглите, убаво притиснете ги зеленчуците и додајте ги зачините во зрна и лукчето исечено на тенки ливчиња. Пробајте и други зачини, зрна синап, каранфилчиња, анасон… Загрејте ги водата и оцетот со солта и шеќерот, па кога течноста ќе зоврие, истурете ја во теглите врз зеленчукот.
Зеленчукот треба да биде целосно потопен во течноста, затоа притиснете го убаво.
Оставете 1-2 см простор помеѓу течноста и капакот на теглата, затворете ги теглите и оставете ги да се оладат. Потоа чувајте ги во фрижидер. Зеленчукот може да се јаде после 4-5 часа, а веќе следниот ден е уште повкусен.
* рецептите со во целост преземени од ситно сецкано
Споделете со пријателите!
