Емоционалната болка осаменоста и ексцесивно внесување на храна и алкохол во текот на Новогодишните празници би можеле да го зголемат ризикот за здравјето
За некои луѓе, Божиќ може да биде време на стрес, наместо мир и добра волја – а новата шведска студија покажува дека 10 часот на Бадник се постигнува годишниот пик за време во кое има најголем ризик од срцев удар, особено за постарите лица и оние се со коегзистирачки услови.
Истражувачите ги анализирале податоците од 283 014 срцеви удари пријавени во шведските болници во периодот помеѓу 1998 и 2013 година, и ги споредиле со периодот кој е со недели далеку од новогодишните празници како контролна мерка. Во Шведска, Бадник е всушност поголем настан од Божиќ, а истражувачите забележале за 37 отсто зголемен ризик за добивање на срцев удар на овој ден, достигнувајќи го својот пик во 22 часот. По општо кажано, во текот на божиќниот период се зголемил ризикот од 15 отсто. Ризикот е најголем кај луѓето над 75-тите и оние со постоечки дијабетес или срцеви заболувања. Студијата, исто така, забележала повеќе случаи на срцев удар пријавени за време на летните празници, раните утра и во понеделниците. „Божиќните и летните одмори биле поврзани со поголем ризик од миокарден инфаркт, особено кај постари и побожни пациенти, што укажува на улога на надворешни предизвикувачи кај емоционално ранливите лица“, објаснува тимот во нивната студија. Претходните истражувања, исто така, направиле врска помеѓу празниците и зголемен број на случаи со срцев удар, но оваа нова студија додава некои екстра интересни детали собирани во долгогодишен период. На пример, не е забележан зголемен ризик за време на спортски настани или за време на Велигден. И додека имало нагорно движење за Нова Година, тоа било на денот после Новогодишната ноќ – можеби затоа што премногу се забавуваме во текот на ноќта и тоа може да доведе да симптомите бидат игнорирани или погрешно разбрани. Додека оваа студија сама по себе не е доволна за да се докаже причината и поврзаноста помеѓу Божиќ и ризикот од срцев удар – неизмерените фактори може да не демнат во позадина, како и со сите опсервациони студии како оваа – добро се вклопува во постоечкото истражување кое било направено. Лутина, вознемиреност, тага, и стрес се поврзани со ризик од срцев удар во минатото, и додека се надеваме дека Божиќ е исполнет со радост и надеж, овие емоции можат да дојдат во игра во сезона особено ако станува збор за лица со некаква подлога од аспект на срцево заболување. „Прекумерното внесување на храна, алкохол, патувањето на долги растојанија, исто така, може да го зголеми ризикот од срцев удар“, изјави еден од тимот, Дејвид Ерлинг од универзитетот Лунд во Шведска,
„Интересно е што моделот за зголемување на ризикот наутро кој доминира во остатокот од годината беше обратен на Божиќ, со зголемен ризик во вечерните часови, што покажува дека стресот и јадењето во текот на денот предизвикале срцев удар“. Една претходна студија од истиот тим го линкуваше зголемениот ризикот од срцев удар со студено и облачно време. Целта на студијата не е да не исплаши да не се препуштаме на празничната атмосвера, туку да внимаваме на луѓето кои би можеле да бидат изложени на ризик, оние кои се сами и стари а се сепак наши блиски. Да се обидиме да го намалиме бројот на срцев удар за Божиќ и Нова Година, со тоа што ќе обрнеме внимание на нашите блиски кои во принцип не треба да ги натераме да се осеќаат осамено. Се што треба да направиме е да бидеме свесни за тоа како емоционалната болка осаменоста и ексцесивно внесување на храна и алкохол би можеле да го зголемат ризикот за здравјето – и, се разбира, да се грижиме за пријателите и семејството во текот на сезоната на празници.
„Овие наоди заслужуваат понатамошно истражување за да ги идентификуваат механизмите зад овој феномен“, заклучуваат истражувачите. „Разбирање на тоа кои фактори, активности и емоции ги претходат овие миокардни инфаркти и како тие се разликуваат од инфаркти на миокардот добиени во други денови, може да помогне во развојот на стратегија за управување и намалување на бројот на овие настани“.
