shto-treba-da-se-znae-za-inhalacija-vo-domashni-uslovi_image
Споделете со пријателите!

Небулизираните лекови често се користат за подобрување на протокот на воздух. Во текот на инхалацијата или после неа може да настанат некој несакани ефекти кој претежно се однесуваат на лекот не на небулизаторот. 
Инхалациската терапија е вид на терапија преку кој лекот влегува во дишните патишта заедно со воздухот кој го дишеме. Лекот директно доаѓа во допир со дишните патишта и го постигнува своето дејство. Луѓето со хронични состојби на белите дробови, како што се астма или емфизем, може да користат небулизатор – машина која го претвора течниот лек во магла (аеросол). За време на третманот, маглата се вдишува преку маската која се става на устата за време од околу 10 до 15 минути. Небулизираните лекови често се користат за подобрување на протокот на воздух. Во текот на инхалацијата или после неа може да настанат некој несакани ефекти кој претежно се однесуваат на лекот не на небулизаторот. Несаканите ефекти на лекот се можни, без оглед на начинот на примена, и може да се движат од благи до тешки.

Има повеќе типови на инхалатори, но целта на сите е иста – да го претворат течниот лек во аеросол.

Можни несакани ефекти од употребата на небулизер

„Постојат неколку работи што треба да внимавате кога ги користите“

Нема докази кои укажуваат дека небулизаторите предизвикуваат повеќе несакани ефекти од другите уреди за инхалација, како што се инхалатори со дозирани дози или инхалатори со сув прашок (пумпици и дискови). Меѓутоа, постојат неколку работи што треба да внимавате кога ги користите. Маската за лице, треба добро да е залепена за лицето за да се спречи истекување на маглата (аеросол). Неопходно е редовно чистење на деловите од инхалаторот, бидејќи лекот може да се насобере во чашката за инхалација кое што би било добра подлога да се развијат бактерии. Редовна стерилизација е неопходна доколку инхалаторот го користат и други членови од семејството.

„Несакани ефекти може да бидат предизвикани од предозирање со лекови, интеракција, алергија на лекови или инфекција“

Несаканите ефекти се обично од самиот лек. Бета-агонистите, како што е албутеролот, што е потпора на третманот со астма, може да предизвикаат непријатни несакани ефекти како што се главоболка, несоница, брзо отчукување на срцето, тремор и нервоза. Овие несакани ефекти често се губат во рок од неколку минути или после неколку дози. Друга група бронходилататори, антихолинергици, може да предизвика сува уста или кашлица. Ако влегуваат во очите, може да ја влошат состојбата доколку имате глауком или да предизвикаат иритација на очите. Кортикостероидите за инхалација, понекогаш комбинирани со други лекови, помагаат да се намали отокот во дишните патишта. Овој тип на лекови може да предизвикаат локални несакани ефекти како засипнатост или кандида во устата. Кортикостероидите се лекови кои може да помогнат при воспаление, но доколку се даваат без оправдана причина може да го зголемат ризикот од инфекција во некои околности.

Прочитајте:  24 Март Светски ден на Туберкулозата

Потенцијално сериозни несакани ефекти

Сериозни несакани ефекти може да бидат предизвикани од предозирање со лекови, интеракција, алергија на лекови или инфекција. Предозирање може да се појави ако инхалцијата ја правите почесто отколку што е потребно, не го мерите лекот правилно или ако заборавите да ја исчистите чашата за инхалација. Предозирањето на бета-агонист, на пример, може да доведе до брзо отчукување на срцето и болка во градите.

Можни се интеракции на лекови. На пример, бета-блокаторите – кој се користат за срцеви состојби – треба да се користат со претпазливост со бета-агонисти пропишани за состојби на белите дробови, бидејќи тие можат да ги намалат ефектите на вашиот лек, и да доведат до влошување на симптомите на дишење. Осип на кожата и потешкотии со дишењето може да бидат знаци на сериозна алергија на лекови. Треска, тешкотии при дишење и кашлање може да бидат знаци на инфекција, но некои од овие симптоми, како што е влошување на дишењето, може исто да бидат предизвикани од самиот лек.

Како да се избегнат компликации

Користете го вашиот небулизатор точно како што е наведено. Потребно е редовно да го чистите од предходната инхалација за да добиете точна количина на лекови и да спречите инфекција. За да избегнете интеракции со други лекови и додатоци, консултирајте се со лекарот кој ви ја назначил инхалацијата. Некои лекови не се соодветни ако сте бремени, планирате да забремените или да се грижите.

Кога да се обратите до вашиот лекар

Доколку не сте сигурни како да го користите небулизаторот или за количината на лекот тогаш треба да се консултирате. Вашиот доктор исто така може да обезбеди и медицински совет ако почувствувате несакани ефекти поврзани со вашиот лек. За повеќе сериозни симптоми како што се болка во градите, неправилно чукање на срцето или ненадејно влошување на симптомите на дишење, побарајте итна медицинска помош.


Споделете со пријателите!