Споделете со пријателите!
Ви подготвивме посебен рецепт – Лосос зготвен на пареа со неколку цветови липа
Рибата е корисна за нашиот организам и често треба да биде дел од нашата трпеза. Особено корисен е лососот, бидејќи содржи многу хранливи состојки, витамин Д, како и богатство од Омега 3 масните киселини, важни за работата на мозокот. Токму затоа, денес одлучивме да ви претставиме еден рецепт со лосос, зготвен на пареа.
- 6-7 парчиња лосос;
- неколку цветови липа;
- тавче или тенџере со решетка и капак.
Во тавчето ставете вода и додадете неколку цветови липа. Поставете ја решетката и наредете ги парчињата лосос, посолете ги, и додадете по едно цветче липа на секое парче. Покријте го сето тоа со капак и ставете го во загреана рерна на 250°C да се готви околу половина час. Повремено проверувајте ја водата под решетката, а доколку забележите дека испарила, дотурете зовриена вода.
Како додаток на ова јадење, може да подготвите варени компири, младо кромитче, лук, како и едноставено приготвен сос, направен од половина пакување мала павлака, 1 лажица мајонез, 1 толчено лукче и малку вегета. Пријатен ручек!
* рецептите со во целост превземени од ситно сецкано
Споделете со пријателите!
