Вежбате редовно, но резултатите не ве задоволуваат?!? Можеби грешите во следново…
Да не изостанат резултатите при вежбање, треба да внимавате и на навиките во исхраната. За да направите план на исхрана треба да ја анализирате вашата моментална исхрана покрај тоа што морате прецизно да ги одредите се вашите фитнес цели.
Доколку вашата цел е да ја зголемите мускулната маса, треба да внесувате 250 до 500 калории повеќе од вашата моментална исхрана. Но, доколку вашата цел е да отстраните дел од вашата телесна тежина, треба да внесувате 250 до 500 калории помалку од вашата моментална исхрана.
Експертите од Men’s Health советуваат, кога ќе пресметате колку калории ви се потребни истите да ги поделите на седум оброци.
Доколку сте сериозни да изградите врвно атлетско тело ќе треба повеќе да се фокусирате на исхраната која треба да содржи здрави масти, протеини и јаглехидрати со низок гликемиски индекс.
Пример на еден типичен (атлетски) оброк: свежи пилешки гради потпечени на скара, порција ориз комбинирана со свежа брокула прелиена со малку маслиново масло.
Можеби мислите дека треба да избегнувате јаглехидрати и масти, но тие се клучните елементи за вашиот успех. Јаглехидратите го помагаат растот на мускулната маса преку складирање на гликоген во самиот мускул во текот на тренингот.
Без јаглехидрати, телото не би имало доволно енергија да го храни мускулот а со тоа ќе изостане и неговото зголемување. Мастите се подеднакво важни бидејќи го одржуваат нивото на хормони, го убрзуваат метаболизмот и ја зголемуваат енергијата.
Доколку го запазувате предвидениот план на исхрана ќе имате повеќекратна корист, прво би го задржале високо нивото на енергија преку целиот ден благодарение на помал број на оброци распределени на два до три часа.
На овој начин ќе чуствувате помала потреба за храна што доведува до топење на вишокот килограми, а со тоа се намалува ризикот од срцев удар, рак и дијабетес.
