Изберете стол којашто ќе го поддржува вашиот грб или поставете мала перница зад долниот дел на грбот.
Болката во грбот за време на бременоста не е невообичаена појава. Со забременувањето може да се зголеми тежината и со тоа вашиот центар на гравитација да се менува, а вашите хормони ги релаксираат лигаментите во зглобовите на карлицата. Сепак, постојат начини за ублажување на истата кои може вклучат вежби за подобро држење на телото и различни физички активности.
Вежбајте добро држење на телото
Како што бебето расте и се развива, центарот на гравитација кај бремените жени се менува напред. За да избегнете постојано навалување нанапред, пробајте почесто да се исправувате бидејќи тоа може да ви помогне да ги затегнете мускулите во долниот дел на грбот и да придонесе ублажување за болките во грбот за време на бременоста. За да одржите добра положба на телото практикувајте ги следниве совети:
- Стојте исправени;
- Држете ги градите високо;
- Чувајте ги рамената опуштени назад.
Вежбањето на добро држење на телото треба да се практикува и додека седите. Изберете стол којашто ќе го поддржува вашиот грб или поставете мала перница зад долниот дел на грбот.
Одберете соодветна облека и обувки
Избегнувајте високи потпетици, кои понатаму може да ја префрлат рамнотежата напред и да предизвикаат паѓање. Можете, исто така, можете да пробате да носите појас за поддршка на грбот. Иако истражувањата за ефективноста на појасите се ограничени, некои жени сметаат дека значително им помагаат.
Подигнувајте предмети внимателно и правилно
Понекогаш, во зависност од бременоста, лекарите препорачуваат да се избегнува подигнување на потешки предмети. Сепак, подигнувањето на полесни и помали предмети не би требало да биде опасно во бременоста, сè додека се прави правилно и внимателно. Имено, држењето на телото при кревање предмети е важно, односно тежината не треба да паѓа на грбот или половината.
Спијте на страна, не на грб
За да спречите или да ги ублажите болките во грбот, пробајте да спиете на страна, а не на грб, со едно или двете колена свиткани. Размислете за користење на потпорни перници наменети за бремени жени помеѓу вашите свиткани колена, под стомакот и зад грбот.
Вклучете физичка активност
Редовната физичка активност може да го задржи грбот исправен и да ја ублажи болката за време на бременоста. Сепак, во зависност од бременоста, се препорачува да се консултирате со вашиот лекар, дали и кој тип на физичка активност би можеле да ја практикувате во бременоста. Жените во бременост вообичаено практикуваат правење на полесни вежби за истегнување или јога наменета за бремени жени.
Кога треба да го посетите вашиот лекар
Ако имате болки во грбот за време на бременоста или болка во грбот која трае повеќе од две недели, разговарајте со вашиот лекар.
Имајте на ум дека болката во грбот за време на бременоста не е невообичаена, но доколку е интензивна и постојана, може да биде знак за предвремено породување или инфекција на уринарниот тракт. Ако имате болка во грбот за време на бременоста, која е придружена со вагинално крварење, треска или печење за време на мокрењето, веднаш контактирајте со вашиот лекар.
