Пред да настане една кивавица,воздушниот притисок во градите се зголемува значително со цел да се исчистат носните празнини од надразнувачот. Сопирањето на овој рефлекс може да доведе до компликации кои може да се опасни по живот.
Кивањето е природниот рефлекс на телото кој се јавува кога до носната лигавица стига некое страно тело/причинител – независно дали тоа е полен, мирис, коса или вирус. Телото го користи кивањето за да ги исфрли надразнувачите од нашиот нос или бели дробови со брзина на ветерот кој се создава до 166 км/ на час. Пред да настане една кивавица, воздушниот притисок во градите се зголемува значително со цел да се исчистат носните празнини од надразнувачот. Сопирањето на овој рефлекс може да доведе до компликации кои може да се опасни по живот.
Притискање на носот додека ја затворате устата за да го задржите силното кивање, не е добра идеја, предупредуваат лекарите кои се соочиле со случај со компликацаа од оваа навидум безопасна физиолошка појава. Случајот е објавен во BMJ каде пациент кој за време на кивање предизвикал руптура на задниот дел на грлото (фаринкс), што довело до голема болка и неможност да зборува или проголта.
Спонтана руптура на задниот дел на грлото е ретка појава и обично е предизвикана од траума, или понекогаш со повраќање, гадење или силно кашлање, симптомите кои ги имал 34 годшниот маж кој се обратил во итна помош ги изненадил докторите.
Младиот човек објаснил дека тој почувдтвувал сензација на пукање во вратот што се појавила веднаш откако тој се обидел да ја задржи присилно кивавицато со стискање на носот и устата во исто време. Малку подоцна тој воопшто не бил во состојба да голта нити да зборува.
При направениот преглед докторите слушнале пукање и (крепитации), кои се протегале по должината на вратот па се до ребрата – сигурен знак дека воздушните меурчиња го нашле својот пат во длабокото ткиво и мускулите на градите, што подоцна е потврдено со компјутеризирана томографија.
Поради ризикот од сериозни компликации, човекот бил хоспитализиран, каде што бил третиран и хранет преку сонда.
Прекинување на кивањето преку блокирање на ноздрите и устата е опасен маневар, и треба да се избегнува, бидејќи може да доведе до бројни компликации, како што pseudomediastinum (заробен воздух во градите меѓу белите дробови), перфорација на тимпаничната мембрана (дупнато слушно тапанче), па дури и појава на аневризма во мозокот.
