Третманот на кашлицата што се јавува по јадење може да се разликува врз основа на причината за нејзината појава.
Кашлањето после јадење е вообичаена реакција на телото коешто се обидува да ги исчисти надразнувачите од дишните патишта. Всушност, надразнувачите понекогаш се внесуваат во телото токму со јадењето и тоа може да доведе до кашлање.
Но доколку кашлањето после јадење се случува често, лицето треба да се консултира со својот лекар за да се одредат причините за оваа состојба. Откако ќе се одреди причината, тоа може да направи промени во животниот стил или, доколку е потребно, да земе лекови.
Причини за кашлица по јадење
- алергии на храна;
- астма;
- дисфагија;
- гастроезофагеална рефлуксна болест (ГЕРБ);
- аспирациона пневмонија;
- инфекции.
Алергија на храна
Алергиите на храна се честа причина за кашлањето по јадење. Тие можат да се развијат на која било возраст, но обично се појавуваат во детството. Кога некој има алергија на храна, имунолошкиот систем на нивното тело реагира на она за кое верува дека е штетно за организмот. Како дополнителни симптоми за алергија на храна освен кашлицата може да се појават:
- отежнато дишење;
- краток здив;
- течење на носот;
- анафилакса.
Луѓето можат да имаат алергија на еден или повеќе типови на храна. Доколку причината за кашлањето е алергија, неопходно е да се дознае каков тип на храна го предизвикува истото.
Астма
Астмата влијае на дишните патишта и се развива по изложување на различни надразнувачи, меѓу кои може да биде и некој тип на храна. Сулфитите се чест додатоци во многу пијалоци и храна што често предизвикуваат симптоми на астма. Меѓу храната што содржи сулфити и треба да се избегнува се:
- пиво;
- вино;
- суво овошје;
- газирани пијалаци.
Сепак, секоја храна што предизвикува алергиска реакција може да предизвика и напад на астма. Како дополнителни симптоми за астма освен кашлицата може да се појават:
- свирење во градите;
- затегнатост во градите;
- проблеми со дишењето.
Дисфагија
Дисфагијата е состојба што предизвикува тешкотии при голтањето. Кога се јавува дисфагија, телото на едно лице има големи потешкотии при движењето на храната и течностите од устата до желудникот, што може да резултира со болка или непријатност. Дисфагијата може да предизвика лицето да чувствува како храната да му стои во грлото што може да доведе до гадење или кашлање после јадење.
Гастроезофагеален рефлукс (ГЕРБ)
Гастроезофагеалниот рефлукс се јавува кога желудочната киселината од желудникот се враќа во хранопроводот. Киселината може да го иритира хранопроводот и да предизвика кашлање. Како дополнителни симптоми за астма освен кашлицата може да се појават:
- кисел или горчлив вкус;
- болно грло;
- печење во градите.
Аспирациона пневмонија
Понекогаш се случува да се вдишат мали честички на течност или храна кога се јаде или пие. Вообичаено овие честички се исфрлаат од белите дробови преку кашлање. Но во случаите кога белите дробови не можат да ги отстранат ситните честички, бактериите од храната може да останат заглавени во белите дробови, што резултира со аспирациона пневмонија. Луѓето се изложени на зголемен ризик за развој на аспирациона пневмонија доколку имаат гастроезофагеален рефлукс или проблеми со голтањето. Симптоми на аспирациона пневмонија вклучуваат:
- влажна кашлица или отежнато дишење по јадење;
- болно голтање;
- зголемено количество на плунка;
- краток здив;
- замор;
- конгестија по јадење и пиење;
- треска кратко време по јадење.
Инфекции
Луѓето може да развијат кашлица веднаш по јадење или пиење како резултат од инфекција во горниот респираторен систем. Овој тип на кашлица е тешко да се третира бидејќи го иритира грлото, предизвикувајќи лицето да кашла повеќе.
Можно е да се развие инфекција во хранопроводот или гркланот, што може да биде предизвикана од вирус, габи или бактерии. Грлото може да се воспали и иритира кога е инфицирано што предизвикува лицето да кашла, особено по јадењето.
Третман и превенција
Третманот на кашлицата што се јавува по јадење може да се разликува врз основа на причината за нејзината појава. Третманот може да биде едноставен како избегнување на одреден тип на храна или лекување на состојбата со лекови.
Дополнителни превентивни мерки за спречување на кашлање по јадење или пиење вклучуваат:
- бавно јадење;
- пиење повеќе вода за време на оброците;
- водење на дневник на исхрана што ќе помогне да се утврди што предизвикува кашлање;
- земање на сите препишани лекови;
- користење на навлажнувач на воздух за да се спречи сушење на грлото.
