Светски ден за борба против ракот

Споделете со пријателите!

Околу 14,1 милиони нови случаи на заболување од рак на глобално ниво се дијагностицирани во 2012 година.

4 февруари го симболизира Светскиот ден за борба против ракот што има за цел да нè поттикне да преземеме акција во борбата против ракот. Кампањата што започна во 2016 и оваа година продолжува под името „Ние можеме. Јас можам“. Тригодишната кампања е креирана со идејата да се истражи што можеме, индивидуално и колективно, да направиме во борбата против ракот на глобално и локално ниво.

Унијата за Меѓународна контрола на ракот („UICC“) во соработка со Светската здравствена организација ги повика министерствата за здравство, организациите, владините и невладините агенции, како и сите поединци ширум светот да се обединат во борбата против ракот.

Во овогодишната брошура на „World Cancer Day“ се потенцира дека само оваа година приближно 8 милиони луѓе ќе умрат од рак, а бројот на смртни случаи се очекува дека ќе се зголеми на 13,2 милиони годишно до 2030 година. Оттука, организаторите посочуваат дека е итна акција за подигнување на свеста за болеста, како и развивање на практични стратегии за намалување на товарот што го носи оваа болест.

Во 2008 година „UICC“ ја разви Светската декларација за рак како алатка што го привлече вниманието на владините лидери и креаторите на здравствената политика. Декларацијата се состои од 11 цели, составени за да се постигне намалување на товарот што го носи ракот на глобално ниво до 2020 година. Овие цели, исто така, служеа како основа за препораките на „UICC“ до Светската здравствена организација. Декларацијата, со повеќе од 500.000 потписници, меѓудругото, беше вклучена во процесот на генерирање на политичка волја за цели за контрола на ракот на ниво на Обединетите Нации и на ниво на грасрутс организации.

Прочитајте: 20 октомври
Светски ден на остеопорозата

Статистистички податоци за ракот

– Ракот е една од најраспространетите болести во светот. Околу 14,1 милиони нови случаи биле дијагностицирани во 2012 година, а ракот на белите дробови, градите, дебелото црево, ректумот и желудникот зафаќа 40% од сите дијагностицирани случаи ширум светот.

– Се проценува дека во 2012 година имало 8,2 милиони смртни случаи поврзани со рак и повеќе од половина од смртните случаи од рак биле предизвикани од рак на белите дробови, желудникот, црниот дроб, дебелото црево, ректумот и градите. Повеќе од 70% од смртните случаи од рак се случуваат во земјите со ниски примања и со среден приход, каде што има малку или речиси воопшто нема ресурси за превенција, дијагностицирање и лекување на болеста. Само од тутунот има околу 1,5 милиони смртни случаи од годишните смртни случаи на рак.

– Околу 14,1 милиони нови случаи на заболување од рак на глобално ниво се дијагностицирани во 2012 година, а ракот на белите дробови, градите, колоректалниот и стомакот претставуваат повеќе од 40% од сите случаи откриени во сите делови на светот.