Спортски активности на отворено во зимските месеци се апсолутно возможни доколку се погрижите да сте соодветно облечени
Вежбањето надвор во зимските месеци е исто толку важно како и во текот на остатокот од годината. Ако се облечете правилно, не би постоела причина која може да ве спречи да продолжите да се движите во текот на зимските месеци и да практикувате спортски
Трчањето во зима е поголем предизвик отколку во текот на другите делови од годината, особено кога станува збор за почетници. Ниските температури, ладниот ветер, кратките денови и лизгавата подлога, се најчестите причини заради кои најголем број на луѓе се затвараат во топлиот дом.
Сепак, доколу сте почетник не треба да се обесхрабрувате заради зимските временски услови. Зимскиот тренинг е изводлив, и зависи од вашата волја и внатрешна мотивација.
1. Постепено зголемување на изминатата дистанца – километрите
Ако сте почетник, најдобра опција е пешачење, а кога сте се стекнале со малку кондиција, може да започнете со кратки етапи на трчање, кои ќе ги зголемувате се повеќе и повеќе со текот на времето. Треба да се внимава на постепено зголемување на дистанцата од седмица во седмица. Оптимално е да трчате 4-5 пати во текот на седмицата.
2. Облечете се во слоеви
За трчање во зимски услови, најважно е да сте лесно, но слоевито облечени. Особено кога температурата се спушта под 5°C, а најчесто тоа се случува во попладневните часови. Облека во три слоја, е разумен избор.
3. Избегнувајте памучни материјали
Важно е да го спречите ладниот воздух да стигне до телото, но сепак да има услови потта да не се задржува на него. Се препорачуваат синетички материјали кои брзо се сушат, најчесто со ознака dry-fit или coolmax. За поладни денови добар избор би бил термафлис, термикс, микрофилд или суллајн. Последниот слој од облеката треба да се избере во однос на моменталните услови.
4. Ставете капа и облечете ракавици
Главата и дланките исто така мора да бидат заштитени од ветрот, дождот или снегот. Дури 40% од температурата се губи преку главата и капа е неопходен зимски детал за трчање.
5. Користете заштитен крем
Паметен избор ќе направите ако рацете и лицето ги намачкате со заштитен-хидратантен крем.
6. Носете соодветни патики за трчање
7. Заштитете се од повреди со добро загревање
Заради големите температурни разлики помеѓу надворешниот и внатрешниот простор, важно е добро да се загреете пред тренингот, за да ги подготвите мускулите за активност со што ќе ги снабдите со повеќе кислород и ќе ја подобрите циркулацијата на крвта. Во спротивно, ризикувате да се стекнете со повреди.
Загревањето пред тренингот треба да се изврши во затворен простор, за да телото биде спремно за изложување на ниската надворешна темература.
Трчајте внимателно во текот на зимата, а кога ќе стигне пролет ќе бидете во топ форма.
