Crave е Tinder за храна
Crave е Tinder за храна, барем така ја опишуваат нејзините создавачи. Оваа апликација за храна функционира на истиот начин како и Tinder – популарната апликација за наоѓање партнер. Со лизгање на екранот налево или надесно во зависност од тоа дали ви се допаѓа ресторанот или не, вие си создавате база на ресторани блиску до вас. Прикажани се неколку фотографии од ресторанот, менито, фотографии од храната, заедно со линкови од нивните официјални страници и профили на социјалните мрежи. Исто така, оваа апликација нуди и извештај врз основа на нивна месечна анализа дефинирајќи демографски податоци како возраст, пол, како и најбарани порции од менито.
Засега, оваа апликација е достапна само во дел на Австралија, но имајќи во предвид колку брзо станува популарна, сигурно дека за брзо време ќе биде достапна насекаде.
