Важно е редовно да се вежба, но треба да се обрне внимание и на навиките надвор од салата за вежбање
Редовното вежбање е многу важно и позитивно влијае врз здравјето, но вежбањето не подразбира само трчање еден час или посета на салата за вежбање. Планот за вежбање како и останатите животни навики надвор од салата се подеднакво важни, ако сакате да добиете резултати. Имено, лошите навики може негативно да влијаат, иако вие се трудите да вежбате редовно и посветено.
Вежбате гладни
Вежбањето на празен стомак можеби изгледа како добра идеја со цел да изгубите повеќе килограми и да не ви се враќа храната. Но експертите препорачуваат да не се вежба на празен стомак. Едноставно кажано, вие ќе започнете да губите мускулна маса наместо да ја градите. Воедно, гладот предизвикува низок шеќер во крвта кој може да придонесе кон вртоглавици и чувство на слабост за време на тренингот. Секако дека треба да се прејадувате, но една банана, боровинки или јогурт со мала масленост пола час пред тренингот ќе ви дадат енергија и „гориво“.
Многу кардио вежби
Секако дека кардио вежбите согоруваат многу калории, доколку претерате ќе изгубите сила, може да предизвикате губење на мускулната маса или мускулна атрофија или пак да постигнете фитнес плато. Плато значи дека не постигнувате резултати иако вежбате подеднакво исто. Популарноста на вежбите со висок интензитет не е случајна. Имено, за најдобри резултати, тренерите препорачуваат 15 вежби со висок интензитет во комбинација со вежби за сила и издржливост.
Не спиете доволно
Мускули не се градат во теретана, туку во кујна и во спална. Во идеални услови, сите оние кои работат на изградување на мускулна маса, треба да спијат од 8 до 10 часа секоја ноќ. Одморот и периодот на закрепнување, се важни исто колку и вежбањето, бидејќи мускулите се обновуваат и создаваат во периодот за одмор. Исто така, спиењето го намалува стресот, кој го намалува нивото на кортизол, кој пак е задолжен за балансирање на тестостеронот и на хормонот за раст кој помага да се метаболизираат телесните масти и кој поттикнува раст на мускулна маса.
Не внесувате доволно протеини
За важноста на протеините при давање на добри резултати во вежбањето говорат и многу истражувања. Како пример ќе земеме едно од нив, коешто истакнува дека телото согорува до 30 проценти од калориите добиени од протеините. Протеините ќе ви ја дадат потребната енергија. Мускулите се изградени од протеини, па за да ги зголемите и зајакнете, логично е дека треба повеќе да ги јадете.
