Споделете со пријателите!
Тренд во исхраната за 2017 година
Животниот стил во голема мера се одредува според актуелните трендови. Овојпат акцентот е на храната, односно што ќе јадеме 2017 година. Веќе неколку години се промовира здрав начин на исхрана, па така, новите трендови не изненадуваат. Имено, сите тие се во доменот на здравата храна. Се предвидува дека наместо чипс, ќе се грицкаат здрави грицки, најпопуларно мезе ќе биде кисел зеленчук, кај нас добро познат како туршија а наместо кафе ќе се пие „макачино“, кафе од мака. „Макачиното“ тешко дека ќе биде тренд на овие простори, познавајќи ја навиката на народот од добро познатото утринско турско кафе, но сигурно ќе има по некој што ќе се обиде да биде модерен.
Буда-чиниите (Buddha bowls) се најпопуларниот тренд за оваа година и се предвидува дека ќе го заменат вашиот „тажен“ ручек на биро, познат на социјалните мрежи под хаштагот #saddesklunch.
Што е буда-чинија
Буда-чинија или буда оброк е она јадење коешто изобилува со зеленчук. Не свеж зеленчук, бидејќи тоа би било салата, туку најчесто варен или печен. Буда-чинијата, освен зеленчук, треба да содржи, производи од полно зрно, протеин (наут наместо месо) и без ограничувања во состојките. Овој концепт на исхрана се совпаѓа со популарниот тренд во исхраната наречен 80/20, што значи дека 80 проценти од храната што ја внесувате треба да биде здрава непроцесирана храна, на база на зеленчук и овошје, додека 20 проценти може да јадете што сакате.
Споделете со пријателите!
