Направете копани на малку поинаков начин
Доколку сакате да пробате копани направени на нешто поинаков начин, отколку традиционалниот, со додаток на ориз и компири, тогаш овој рецепт е за вас. Викендов, овие полнети копани нека бидат главни на вашето дневно мени.- 4 копани со докопани;
- маслиново масло;
- сол и бибер.
за полнење:
- 2 лажици маскарпоне или крем сир;
- 1 лажица павлака;
- 1 лажиче омекнат путер;
- 2-3 лажици свежи ситно сецкани тревки (нане, магдонос, босилек, рузмарин…);
- рендана кора од 1 лимон.
Измешајте ги сите состојки за полнење. На докопаните полека одвојте им ја кожата ама не целосно. Гледајте да се држи на краевите. Ставете по 1/4 од полнењето под кожата на секој докопан и распоредете го со лажиче или со прсти врз целото месо и што повеќе накај копанот. Намачкајте едно тавче со маслиново масло. Намачкајте ги и копаните со маслиново масло и посипете ги со сол и бибер и не е лошо да им ја прикачите кожата со чачкалица, за да не истече полнењето.
Ставете ги да се печат на 200°C околу 30-40 минути, а додека се печат, еднаш или два пати полијте ги со течноста од тавчето. Многу се вкусни и со крем сир и со маскарпоне, и со разни комбинации од тревки.
* рецептите со во целост преземени од ситно сецкано