Недостигот на железо во крвта може да предизвика анемија со дефицит на железо, состојба којашто може да предизвика чувство на постојан студ.
Чувството на постојан студ, дури и кога надвор не е студено, може да биде резултат на одредена здравствена состојба. Седум состојби коишто може да предизвикаат да ви е постојано студено се следните.
Анемија
Анемијата се јавува кога немате доволно здрави црвени крвни клетки за вашето тело да се снабди со количеството на кислород што му треба. Негативниот ефект од тоа се умор, слабост, вртоглавиџа и недостиг на здив. Анемијата, исто така, може да предизвика да ви е постојано студено, осбено на дланките и стапалата.
Хипотироидизам
Хипотироидизам е состојба којашто се јавува кога тироидната жлезда не е доволно активна, односно не произведува доволно тироидни хормони. Оваа состојба може да направи да бидете премногу чувствителни на студ. Исто така може да имате болки во зглобовите, запек, сува кожа и да сте склони кон зголемување на телесната тежина.
Болест на бубрезите
Дијабетесот и високиот крвен притисок може да предизвикаат бубрежна болест којашто предизвикува бубрезите да не можат да направат добра филтрација на крвта што може да предизвика токсините во организмот да достигнат опасни нивоа. Ова може да ја намали телесната температура и да предизвика други проблеми. Бубрежната болест е, исто така, поврзана со анемија, што може да предизвика да се чувствувате студено, дури и кога надвор е топло.
Дијабетес тип 2
Доколку имате дијабетес тип 2, исто така, може да имате анемија и проблеми со бубрезите и циркулацијата, што може предизвика да чувствувате постојан студ. Оштетувањето на нервите од дијабетесот, исто така, може да направи да се чувствувате студено.
Анорексија нервоза
Анорексија нервоза е нарушување во исхраната што вклучува целосно или делумно одбивање на храна што може да доведе до драстично намалување на телесната тежина. Оваа состојба предизвикува недостаток на телесни масти што може да предизвика постојано да ви е студено, особено на дланките и стапалата.
Периферна невропатија
Ако чувствувате дека ви е студено на стапалата, а тие не се студени на допир, тоа би можело да биде знак за периферна невропатија. Често започнува на прстите и се движи кон целото стапало и ногата. Ова може да се случи во случај на повреда или медицинската состојба, како дијабетесот, којашто е можно да нанела штета нервите.
Недостиг на железо
Недостигот на железо во крвта може да предизвика анемија со дефицит на железо, состојба којашто може да предизвика чувство на постојан студ. Оваа состојба може да биде предизвикана од загуба на крв, лоша исхрана или поради тоа што телото не може добро да го апсорбира железото. Најдобар извор на железо е црвеното месо, но исто така и свинското месо и рибата. Некои немесни извори на железо се леб и житарици, грашок, соја, наут и темно зелениот зеленчук.
