se-odbelezhuva-svetskata-nedela-na-sonot_image1
Споделете со пријателите!

Во текот на следната недела, на различни локации во Скопје ќе биде поставен кревет како симболика за одмор и спиење
Фармацевтската компанија „ПхармаС“ го одбележува Светскиот ден на спиењето, 17-ти март, со цел да даде значење на потребата од квалитетен и мирен сон и да ја подигне јавната свест за зголемениот број на нарушувањата на сонот кои го загрозуваат здравјето.

Спиењето има огромно значење за целокупното здравје на организмот, работната способност, менталното и емотивното функционирање на човекот. Квалитетот на сонот влијае на квалитетот на животот и секојдневното функционирање.

„Скоро 95% од возрасните доживеале барем една епизода на несоница во текот на животот“

„Во текот на следнава недела, на различни локации во Скопје ќе поставиме кревет како симболика за одмор и спиење. На сите ни е јасно дека спиењето има огромно значење за целокупното здравје на организмот, но за жал несоницата е појава која бележи подем во светски рамки, па и во Македонија. Скоро 95% од возрасните доживеале барем една епизода на несоница во текот на животот. Затоа, презедовме иницијатива со која ќе ги информираме граѓаните за штетните последици од недоволното спиење и ќе ги поттикнеме да посветат поголемо внимание на квалитетот на сонот како потреба и основа на здравјето“, вели Филип Ачкоски, регионален директор на компанијата „ПхармаС“.
se-odbelezhuva-svetskata-nedela-na-sonot_image2

Несоницата се дефинира како повторувачка потешкотија која се однесува на заспивањето, одржувањето на спиењето или квалитетот на спиењето, која се случува и покрај соодветното време и можност за спиење, а резултира со нарушување на дневните активности. Вообичаени критериуми за несоница се: подолго време од 30 минути за заспивање, спиење помалку од 6 часа, будење повеќе од 3 пати во текот на ноќта, рано будење без можност повторно да се заспие и спиење кое е со слаб квалитет.

Според Ачкоски, несоницата може да се превенира, со тоа што ќе најдеме време за опуштање од секојдневните стресни активности и ќе посветиме внимание на одморот и спиењето, а нејзиниот третман треба да биде со помош на природни препарати избегнувајќи ги притоа хемиските лекови од редот на хипнотици и опијати.

Статистиката говори дека околу 1/3 од возрасните имаат одредени потешкотии да заспијат или да спијат во тек на 12 месеци, а од нив 17% сметаат дека имаат сериозен проблем и бараат медицинска помош. Иако несоницата не познава пол, возраст и занимање, сепак е почеста кај жени на средна возраст поради хормонските промени кои настануваат во тој период од животот на жените и т.н менопауза, кај луѓе кои подолг временски период се изложени на стрес, кај луѓе кои работатат во смени и имаат пореметен биоритам, кај луѓе кои често патуваат и менуваат временски зони, а со тоа се нарушува и нивниот секојдневен ритам на спиењето, како и кај луѓе со одредени психолошки и психијатриски болести, односно пореметувања. 

Прочитајте:  ИНТЕРВЈУ со д-р Македонка Глигорова: Бронхитис кај педијатриската популација

Светскиот ден на сонот се одбележува од 2008 година во организација на Светската Асоцијација за медицина на спиењето (WASM) и Светската Федерација на спиењето (WSF). Во 2016-та година, овие две организации се здружиле со цел да создадат една интернационална организација – Светска заедница на спиењетo.

Слоганот на овогодинешниот светски ден е „Спијте квалитетно, негувајте го животот“.

PharmaS_Dormirin_Forte_main_700x90


Споделете со пријателите!