zosto-decata-peltecat_image
Споделете со пријателите!

Пелтечењето е често кај децата на рана возраст, односно во периодот помеѓу втората и петтата година
Пелтечењето претставува попреченост во флуидноста на зборувањето. Оваа појава е честа кај децата на рана возраст, односно во периодот помеѓу 2-та и 5-тата година. За многумина, пелтечењето претставува уште една фаза во процесот на учење, кога се формираат зборовите и речениците во која тие започнуваат да повторуваат или да издолжуваат одредени гласови, слогови или зборови. Во повеќето случаи децата по неколку недели и без професионална помош го пребродуваат пелтечењето, но во одредени случаи тоа може да трае и до неколку години и по развојот на јазичните способности и да предизвика потешкотии во детскиот едукативен процес.

Како се манифестира пелтечењето

Пелтечењето претставува нарушување на нормалниот и флуиден ритам на зборувањето кое може да се манифестира во повеќе форми, меѓу кои продолжување или повторување на одредени гласови, слогови и зборови, како и понекогаш целосно и ненадејно прекинување на говорот.

Причини за појава на пелтечењето

Експертите наведуваат повеќе можни фактори кои поединечно или во комбинација, може да придонесат за појавата на пелтечење кај децата:

  • Генетски предиспозиции (иако не е научно докажано дека генетиката е тесно поврзана со оваа појава, околу 60% од луѓето коишто пелтечат имале близок роднина што пелтечи);
  • Појава на други говорни и јазични проблеми или потешкотии во развојот;
  • Разлики во процесирањето на јазикот во мозокот (луѓето коишто пелтечат го процесираат јазикот во различни сфери на мозокот, оттука се појавува проблем во начинот на кој мозочните пораки комуницираат со мускулите и деловите потребни за зборување;
  • Висок/зголемен степен на активност;
  • Неконтролирано, брзо зборување.
Прочитајте:  Без цензура - Голата вистина за секој хороскопски знак

Први знаци на пелтечење

Првите знаци на појава на пелтечење кај детето може да се појават во периодот помеѓу 18 и 24 месеци, кога децата почнуваат да ги поврзуваат зборовите и да формираат реченици. Пелтечењето за родителите може да биде вознемирувачко, но во оваа фаза кај многу деца пелтечењето е нормална појава.
zosto-decata-peltecat_image1

Кога да побарате помош

Она што е важно е родителот да биде трпелив и да го следи развојот на говорот и на јазичните способности кај своето дете. Децата во раната возраст може да пелтечат неколку недели или неколку месеци и тоа да не биде често, туку повремено. Повеќето од нив самостојно, без професионална помош или терапија престануваат да пелтечат до 5-тата година. Но, доколку, забележите дека пелтечењето кај вашето дете станува сè почесто, се влошува или е придружено со движења на лицето и телото, препорачливо е да побарате стручно мислење или помош.


Споделете со пријателите!