Педијатар од детската болница „Козле“ со специјалистичко консултативни услуги во општина Зелениково
Жителите на општина Зелениково првпат добија специјалистичко консултативни услуги од областа на педијатријата. Прегледите еднаш неделно (секој петок) од 9 до 14:30 часот во амбулантата во Зелениково ќе ги врши специјалист педијатар ангажиран од детската болница „Козле“.
Вицепремиерот и министер за здравство Никола Тодоров денеска ја посети амбулантата во Зелениково по што изјави дека како резултат на барањето на граѓаните од општина Зелениково, Министерството за здравство во соработка со Детската болница „Козле“ и со Здравствениот дом–Скопје донесоа одлука секој петок во амбулантата во Зелениково да има специјалист педијатар кој ќе дава специјалистичко консултативни услуги од областа на педијатријата за жителите на таа општина.
Од комуникацијата со градоначалникот знаеме дека во Зелениково има околу 600 деца на кои понекогаш им е потребна ваков тип на здравствена услуга и од тој аспект наместо да патуваат до Драчево или, пак, до некоја друга поликлиника во Скопје, тие ќе можат оваа здравствена услуга да ја добијат тука во нивното место на живеење, рече Тодоров...
Преземено од: Министерство за здравство на Република Македонија
