Споделете со пријателите!
Пролетта и летото се годишни времиња прекрасни за шетање во природа особено за децата кои уживаат да играат во природа, најчесто во трева каде има ризик да бидат каснати од инсекти. Убодот од инсект може да предизвика различни алергиски реакции.
Алергиска реакција е необичен имунолошки одговор на различни фактори, таканаречени алергени. Најчестите алергени се: полен, куќна прашина, мувла, влакна од животни, храна, лекови или отров од инсект. Децата чии родители имаат склоност кон алергиски реакции потребно е повеќе да внимаваат кога си играат во природа. Алергиски реакции предизвикани од каснувања од инсекти се манифестираат скоро секогаш најјако и најлошо, во споредба со другите алергени. Во нашиот регион најмногу алергии се појавуваат од убод на пчела, оса и стршен.При каснување од пчела , на местото на убодот останува игличката со отровот. За да се избегне ширење на отровот, потребно е најбрзо што може да се извади игличката (т.н. осило), но со внимателност да не се скрши при вадење.
Превентива:
Да се избегнува да се користат сапуни, детергенти и омекнувачи со силен и интензивен мирис, кои ги привлекуваат инсектите.
Осите и стршените при убод не ја оставаат игличката, но затоа може да ве избоцкаат неколку пати на местото. Нивните отрови содржат хемиски активни супстанции и затоа реакциите од убодот се потешки. Обично на местото на убодот настанува локална реакција со појава на црвенило, болка и оток. Чувствителните луѓе може да имаат посериозни реакции, како што се: осип на делови од телото, повраќање, пролив, отежнато дишење, колапс и губење на свеста.Да се избегнува да се користат сапуни, детергенти и омекнувачи со силен и интензивен мирис, кои ги привлекуваат инсектите.
Најдобра заштита од инсектите е основната превенција, која треба да ја знаат дури ѝ децата:
- Кога се излезени децата во природа треба да бидат облечени во облека со светли бои,
- Да се избегнува да се користат сапуни, детергенти и омекнувачи со силен и интензивен мирис,
- Кога детето си игра во домашниот двор не треба да оди без чевли,
- Особено да се внимава ако детето пие сок од шише, бидејќи слаткото ги привлекува инсектите
Што да правите ако детето го касне пчела или оса?
- Отстранете ја игличката со отровот користејќи пинцета или пробајте со тапата страна од ножот да го истиснете отровот на површината на кожата.
- Исплакнете го местото со вода и ставете облог со мраз или едноставно ставете студен облог може да го намачкате каснатото место со кал или сол, доколку немате друга опција, така отокот ќе се смири веднаш.
- При поизразена локална реакција, во консултација со Вашиот лекар дајте му на детето да пие антихистаминик.
- Доколку има изразена болка и покачена температура дајте му парацетамол или ибупрофен.
- Ако убодот од инсектот е во близина на устата, веднаш однесете го детето до најблиската здравствена установа, бидејќи отокот кој може да се појави може да ги блокира дишните патишта.
Реакции од убод на комарец
Убодот на комарец обично предизвикува блага локална реакција (црвенило, оток и интензивно чешање), каде доволно е да ставите студена облога. Во случај на појава на посериозна реакција, во консултација со Вашиот лекар се препорачува комбинирана терапија со антихистаминик и кортикостероид. Превенцијата е секогаш најдобра, а тоа подразбира: употреба на заштитни мрежи на надворешните врати и прозорци во домот (комарници), разни комерцијални производи во форма на стапчиња, кремови, електрични апарати. Реакции од убод на крлеж
Најчесто децата ги каснува крлеж кога си играат во трева. Крлежите можат да бидат носители на бактеријата Borelia burgdorferi која предизвикува Лајмска болест. Превенцијата е од суштинско значење, а тоа значи избегнувајте Вашите деца да играат во влажни ливади со висока трева, шуми и пасишта. Секогаш облекувајте го Вашето дете во облека со долги ракави и светли тонови. После престојот направете детален преглед на телото на Вашето дете, особено во главата, бидејќи многу често крлежите се кријат во дрвјата кои можат да завршат во нечија коса. Ако најдете крлеж во кожата на детето, најдобро е да побарате стручна медицинска помош. Доколку се појави голем оток со црвенило (отокот може да се зголемува) или доколку забележите симптоми на настинка (треска, главоболка, отечени лимфни жлезди, морници), мора веднаш да побарате помош од лекар. Споделете со пријателите!
