Понекогаш кубењето на влакна од домашни миленици или од материјали, како што се облека или ќебиња, може да биде знак за развивање на оваа состојба.
Трихотиломанија е пореметување на контролата на импулсите кое вклучува повторливи и импулсивни нагони да се кубе косата од скалпот и влакна од веѓите, трепките или други делови од телото.
Кубењето на косата од скалпот често остава ќелави делови на главата, што понатаму може да предизвика непријатност и вознемиреност и да влијае на секојдневните активности. Во некои случаи трихотиломанијата може да биде лесна за контролирање, но во други, импулсивната потреба да се губе косата или влакна од телото може да претставува сериозен проблем.
Симптоми на трихотиломанија
Знаците и симптомите на трихотиломанијата често вклучуваат:
- Постојано кубење на влакна од скалпот, веѓите или трепките, но понекогаш и од други делови од телото;
- Големо чувство на напнатост пред да се повлече косата или во миговите кога се обидувате да се спротивставите на нагонот;
- Чувство на задоволство или олеснување кога косата е повлечена;
- Разредени или ќелави области на скалпот или други делови од телото, како и ретки трепки или веѓи.
Многу луѓе кои се соочуваат со трихотиломанија, исто така, ја чепкаат кожата, ги гризат ноктите или усните. Понекогаш кубењето на влакна од домашни миленици или од материјали, како што се облека или ќебиња, може да биде знак за развивање на оваа состојба.
Манифестација на трихотиломанија
Импулсивното кубење на влакна од некој дел од телото или лицето може да биде:
Фокусирано – Некои луѓе намерно ја кубат косата или влакна од други делови од телото или лицето за да ја ублажат напнатоста или вознемиреноста.
Автоматско – Некои луѓе ја кубат косата или влакна од други делови од телото или лицето без да сфатат дека го прават тоа, како на пример кога им е здодевно или кога читаат и гледаат телевизија.
Трихотиломанијата е долгорочно (хронично) нарушување. Кога се јавува кај една личност може да се манифестира фокусирано или автоматски, но и во комбинација во зависност од ситуацијата и расположението.
