Благодарение на напредната медицина, трансплантацијата на пенис е возможна
Медицината е толку напредната што ниту жените, ниту мажите не треба да се грижат доколку нешто им недостасува. Веќе е добро познато дека возможна е трансплантацијата на женските полови органи, односно трансплантацијата на матката, со што секоја жена која има проблеми или неразвиени внатрешни полови органи, може да го доживее мајчинството уште од зачнувањето.
По неуспешните обиди во минатото, трансплантацијата на пенис денес претставува возможна и успешна хируршка процедура.
Мажите кои го изгубиле својот пенис често пати имаат проблеми со уринирањето, имаат проблеми со зачнување на дете, а многумина од нив не можат да го пребродат психолошкиот момент дека повеќе не го поседуваат оној дел од телото што бил одлика на нивниот пол. Напредната микрохирургија и на мажите може да им ја врати машкоста, самодовербата и нормалниот социјален живот. Мажите ветерани кои исто така доживеале урогенитални повреди и го изгубиле својот пенис, можат повторно да го добијат она што го изгубиле на бојното поле.
Во периодот од 2001 до 2013 година, повеќе од 1 300 машки припадници на американската војска доживеале урогенитални повреди.
Многу од тие ветерани се млади момци и експертите велат дека преживеаните исто така заслужуваат да имаат нормален живот. „Ова е неповолна ситуација за еден млад човек. Тие имаат потешкотии да продолжат понатаму и сакаат да бидат целосни. Сега овие момци преживуваат, ние мораме повторно да ги составиме“ – истакнува д-р Артур Барнет – Arthur L. Burnett професор по урологија од медицинското училиште Johns Hopkins во Балтимор. Научниците од овој универзитет додадоа дека првиот обид за трансплантација на пенис од донатор во клиничка смрт бил неуспешен и се појавиле големи отоци поради тоа што многу од крвните садови тогаш не биле соодветно поврзани.
Првиот успешен обид за трансплантација на пенис од кожа од рамото на донаторот се случил пред две години и целосно му е повратена уринарната и сексуалната функција.
Научниците, охрабрени од овој успех, се подготвуваат за првото досега во светот големо клиничко испитување за трансплантација на пенис. Медицинскиот центар Wake Forest Baptist од Северна Калифорнија, исто така започна со потрагата по потенцијалните кандидати за овој вид трансплантација, вклучувајќи ги како ветераните, така и мажите кои доживеале трауматски повреди во цивилниот живот.
Првиот кандитат за нов пенис е веќе избран и иницијалната постапка се очекува да започне за неколку месеци, во зависност од достапноста на донатор. Во обидот ќе бидат вклучени 60 оштетени ветерани, а целта е враќањето на нивната уринарна и сексуална функција. За време на постапката, клучните крвни садови, нервите, уретрата и останатите делови ќе бидат споени со соодветната анатомија на донаторот користејќи микрохируршки техники користени и во другите типови на трансплантации на органи, објаснува д-р Барнет. Со тек на време нервите на пациентот ќе се обноват со стапка од 2,5 самтиметри месечно што ќе ја врати сензацијата (осетливоста) во новиот орган.
Еден од најголемите предизвици со кои медицинските професионалци ќе мора да се соочат, е координирањето на работата на тимовите од хирурзи и другите медицински работници за време на целодневната операција, додава тој. По операцијата, пациентите ќе добијат иста нега како сите пациенти што поминале микрохируршка процедура за да се обезбеди соодветен проток на крвта во трансплантираниот орган. За да се намали потребата од имуносупресивни лекови, истражувачите ќе го користат протоколот оригинално развиен за трансплантација на раце што користи коскена срцевина од донаторот.
