suplementacija-vo-bremenosta-prednosti-benefiti_image
Споделете со пријателите!

Исхраната и внесот на суплементи во текот на бременоста значајно влијае на развојот на фетусот
Жените кои планираат бременост или веќе се бремени, треба да посветат посебно внимание на снабдување на организамот со суплементи, витамин и минерали и се подразбира правила избалансирана здрава исхрана. Недостигот од некои витамини и минерали во исхраната може да доведе и до појава на сериозни последици во развојот на плодот.

Во текот на бременоста и доењето дополнително треба да се внесуваат: фолна киселина, железо, витамин Ц, омега3 масни киселини, магнезиум, цинк, калциум, витамин Д и други. Фолната киселина треба да се зема уште во периодот на планирање на бременоста, бидејќи е важнa за соодветна подготовка на телото на жените за зачнување, но и за правилен раст и развој на фетусот.

Препорачаната дневна доза е 400 ug фолна киселина, за бремени жени и жени што планираат бременост.

Името фолна киселина или фолати потекнува од латинскиот збор фолиум што значи лист. Самото име означува дека оваа материја има цврста врска со природата. Откриена е во 1931-та година од тим на лекари и било утврдено дека е корисна за лечење на мегалобластната анемија кај трудниците и придонесувала и за подобра породилна тежина на новороденчињата.

Железото е составен дел на хемоглобинот и овозможува нормално создавање и функционирање на еритроцитите, како и пренесување на доволно количество кислород во ткивата на фетусот.

Последица од недоволен внес на железо кај мајката е анемија, која се манифестира со замор, истоштеност, површно дишење, тахикардија, аритмија, проблеми со концентрацијата и когнитивните способности

Со оглед на неговиот непријатен вкус, особено е важно железото да биде во обложена форма, која не остава метален вкус во устата, не предизвикува гадење и не предизвикува т.н. црна столица. За апсорпција на железо е неопходно да се консумира заедно со витамин Ц, кој создава потребна кисела средина.Витаминот Ц е познат антиоксиданс и имуномодулатор.

Прочитајте:  Необични први симптоми на бременост

Магнезиумот е значаен минерал, а неговиот недостигот се манифестира како слабост, грчеви во мускулите, занесеност, зголемена подложност на стрес и проблеми со спиењето. Дневните потреби на трудниците се 300-400 мг магнезиум.

Цинкот е клучен за имунитетот и исто така придонесува во нормалната синтеза на ДНК. Дневен препорачан внес за цинк е 10 мг на ден.

Калциумот кај бремените жени е клучен за развој на коскеното ткиво на плодот и за зачувување на мајчините коски.

Витаминот Д помага за вградување на калциумот во коските и треба да се суплементира во доза од 400 I.E на ден, особено доколку бременоста се одвива во текот на есенско-зимскиот период бидејќи синтезата на витаминот Д во голема мера зависи од сонцето.

Внесувањето на витамини и минерали треба да продолжи и во периодот на доење бидејќи, особено во првите 6 месеци, мајчиното млеко е најважниот извор на овие многу важни елементи за здравјето на новороденчето.

Има многу додатоци во исхрана кои што се препорачуваат за трудници, доилки и за жени кои планираат бременост, но предност би дале на оние кои ги исполнуваат следните услови:

  • Активен облик на фолна к-на- сигурна биорасположивост и ефект;
  • Микрокапсулирано железо – нема метален вкус, гадење и други ГИТ тегоби;
  • Комплетна формула со сите потребни состојки во само една капсула дневно.

М-р Фарм. Билјана Мукаетова

pharmas_prenatas_700x90


Споделете со пријателите!