Споделете со пријателите!
Супата од тиква е идеална да ве згрее овој период од годината
Многумина оваа супа ја прават на различен начин, а овој рецепт вклучува праз, лута пиперка и кокосово млеко. Вкусот на тиквата во оваа комбинација е силен, ама заедно со сите други состојки се добива супа од која ќе сакате да си дотурите.
- 1 лажица маслиново масло;
- 1 кромид, исечен крупно;
- 2 лукчиња, исецкани крупно;
- 1 праз, измиен и исечен на кругчиња;
- ½ лажиче мелена тропска трева (лимонова трева, lemongrass);
- ½ лута чили пиперка, исечена на ленти;
- 500 г тиква, исечена на парчиња;
- 500 мл вода;
- 1 лажица мешан сув зеленчук;
- 1 лажиче сол, или по вкус;
- 200 мл кокосово млеко.
Загрејте го маслото во тенџере и ставете ги кромидот и лукчето да се пропржат кратко. Додајте ги празот, тропската трева, пиперката и тиквата и оставете ги и нив да се испржат малку. Ставете ја водата, мешаниот сушен зеленчук и солта и варете ја супата на средно околу 20 – 30 минути, додека тиквата не омекне. Изблендирајте ја супата, додадете го кокосовото млеко и послужете ја посипана со семки од тиква.
* рецептите со во целост преземени од ситно сецкано
Споделете со пријателите!
