Интолеранцијата на алкохол е предизвикана од состојба во која телото не е во можност ефикасно да го метаболизира алкохолот.
Интолеранцијата на алкохол е состојба што може да предизвика непријатни реакции после консумацијата на алкохол. Најчестите знаци и симптоми на интолеранција на алкохол се назална конгестија и осип на кожата. Интолеранцијата на алкохол е предизвикана од состојба во која телото не е во можност ефикасно да го метаболизира алкохолот. Единствениот начин да се спречат реакции на интолеранција на алкохол е избегнување на консумација на алкохол.
Интолеранцијата на алкохол не е алергија. Меѓутоа, во некои случаи, она што се чини дека е интолерантност кон алкохолот може, всушност, да биде реакција на некоја состојка во алкохолниот пијалак, како хемикалии, зрна или конзерванси. Комбинирањето алкохол со одредени лекови, исто така, може да предизвика реакции. Во ретки случаи, непријатната реакција на алкохолот може да биде знак за скриен здравствен проблем.
Симптоми на интолеранција на алкохол
Знаците и симптомите на интолеранција на алкохол или на реакција на одредени состојки во алкохолните пијалаци може да вклучат:
- Чувство на топлина и зацрвенување на лицето;
- Црвени пликови на кожата;
- Влошување состојбата кај луѓето со астма;
- Затнување на носот;
- Низок крвен притисок;
- Гадење и повраќање;
- Дијареа.
Причини за појава на интолеранција на алкохол
Интолеранцијата на алкохол се појавува кога организмот нема соодветни ензими за да ги метаболизира токсините во алкохолот. Ова е најчесто предизвикано од наследни особини. Други состојки што се содржани во некои алкохолни пијалаци, особено во пиво или вино, може, исто така, да предизвикаат реакции на интолерантност. Помеѓу овие состојки се:
- Сулфити или други конзерванси;
- Хемикалии, зрна или други состојки;
- Хистамин – нуспроизвод на ферментација или подготовка алкохолот.
Во некои случаи, реакциите може да бидат предизвикани од алергија на жито како пченка, пченица или ‘рж или на друга супстанца содржана во алкохолните пијалаци.
Ретко, силната болка по пиењето алкохол може да биде знак на посериозно заболување, како што е Хоџкинова болест.
Ризични фактори за појава на интолеранција на алкохол и компликации
Ризични фактори коишто може да предизвикаат појава на интолеранција на алкохол или други реакции на алкохолни пијалаци вклучуваат:
- Генетика;
- Астма или алергиски ринитис;
- Алергија на житарици или на друга храна;
- Хоџкинова болест.
Компликациите при интолеранција на алкохол или други реакции на алкохолни пијалаци може да вклучат:
Мигрена
Пиењето алкохол може да предизвика мигрена кај некои луѓе, можеби како резултат на хистамините содржани во некои алкохолни пијалоци. Имунолошки систем, исто така, ослободува хистамини за време на алергиска реакција.
Тешка алергиска реакција
Во ретки случаи, алергиската реакција може да бара итен третман. Оваа реакција се нарекува анафилактична реакција и може да биде опасна по живот.
Превенција
Имено, ништо не може да ги спречи реакциите на интолерантност на алкохолот или состојки во алкохолните пијалаци. За да избегнете реакција, избегнувајте алкохол или одредена состојка за којашто знаете дека ви предизвикува непријатни реакција. Истот така, секогаш проверувајте ги етикетите на пијалаците за да бидете сигурни дека не содржат состојки или адитиви што знаете дека предизвикуваат несакани реакции.
Кога да се посети доктор
Вообичаено, не е неопходно да посетувате доктор доколку имате блага интолеранција кон алкохол или некоја состојка во алкохолни пијалоци. Едноставно треба да избегнувате да консумирате одредени видови алкохолни пијалоци. Меѓутоа, доколку се случи да имате сериозна реакција или тешка болка, не се двоумете да се консултирате со вашиот лекар. Исто така, ако симптомите се поврзани со алергија или со лекови кои ги земате, повторно посетете го вашиот лекар.
