Шише кое воздухот го претвора во вода [ВИДЕО]

Додека напорно вртите со педалите на велосипедот за да се искачите по некоја угорнина и вашето шише за вода може да „работи“

Fontus е шише за вода кое влагата од околниот воздух ја претвора во вода за пиење за помалку од еден час под услов воздухот да е релативно чист.

Шишето е дело на австрискиот инженер Кристоф Ретезар – Kristof Retezár и е наменето за лица кои живеат во области со недостиг на вода, а такви се 1,2 милијарди луѓе во светот. Наместо да се фокусира на комплексни системи за прочистување на водата, Ретезар сакал да креира нешто едноставно и лесно за транспорт.

„Се работи за едноставна кондензација на влажноста од воздухот“, вели Ретезар,

Кога влажниот воздух ќе навлезе во шишето доаѓа во допир со низа хидрофобични „заби“ кои личат на влакната од четките за заби. Тие помагаат пареата да се претвори во капки вода, а малиот соларен панел на врвот на шишето ја полни батеријата.

Ретезар вели дека шишето може да функционира на температура од 30 до 40 степени Целзиусови и влажност на воздухот од 80% до 90%. За еден час може да произведе околу 550 милилитри вода.

Дизајнерот признава дека моменталниот прототип не е совршен.

Fontus може да филтрира некои од загадувачите на воздухот, како бубачки и прашина, но не може да ја чисти водата од наслаги. Ретезар се надева дека идните модели ќе имаат карбонски филтер поради што ќе бидат уште покорсини за регионите каде што и квалитетот на воздухот не е висок.

Retezár планира да лансира кампања на платформа за групно финансирање за да може да почне да го произведува Fontus до наесен, веројатно по цена помала од 100 долари.

Превземено од: Иновативност.мк