Веројатно сите сме ја слушнале изреката „Подобро да се спречи отколку да се лечи“. Во денешниот модерен свет и брзиот и стресен начин на живот, болестите како дијабетес, различни видови канцер и заболувања на срцето и крвните садови се многу чести и истите се нарекуваат „тивки убијци“. Многу луѓе најчесто и не знаат дека имаат на пример, зголемен крвен притисок или покачен шеќер во крвта се до моментот кога настанале непоправливи оштетувања на различни органи кои се поврзани си овие состојби, односно сè до моментот кога е веќе касно било што да се спречи. Кое е решението? Рутински прегледи. Овие прегледи можат да ги лоцираат потенцијалните здравствени проблеми пред тие да станат поголеми проблеми. Прочитајте кои рутински прегледи се препорачуваат во различна возраст како би си го зачувале вашето здравје.
Што се превентивни прегледи?
Превентивни прегледи се прават со цел да се открие некој здравствен проблем или состојба во рана фаза односно во стадиум кога истиот може да се превенира од понатамошно развивање во посериозна болест. Тоа се годишни редовни прегледи, редовна имунизација или вакцина против грип. Овие прегледи вклучуваат серија на тестови кои ја откриваат болеста во рана фаза односно ни покажуваат што би можело да се јави како здравствен проблем во иднина. Раното откривање и соодветните хигиено-диететски мерки или лекови кои би биле препишани за некоја болест или состојба, може да ви го олеснат животот понатаму во смисла поздраво живеење.
Бенефити од превентивни здравствени прегледи
Рано откривање на некоја болест или состојба
Со овие прегледи може да се откријат одредени болести во ран стадиум кога лекувањето е полесно и поуспешно.
Слика за здравствената состојба
Се добива увид во дали имате ризик за одредено заболување.
Навремено преземање соодветни мерки
Доколку знаете со што се соочувате, веќе сте ја добиле половина битка. Со тоа што ќе знаете што се случува со вашето здравје, може да спречите одредена болест.
Животен стил посветен на здравјето
Прегледите ќе поттикнат да живеете поздраво со тоа што ќе почнете да се храните балансирано и умерено, да вежбате, да прекинете со лошите навики како пушење или прекумерно консумирање алкохол. Со еден збор, ќе почнете да применувате здрав животен стил.
Заштеда на пари
Грижата за вашето здравје сега, ќе ви заштеди пари и време во иднина. Запаметете, секогаш е поевтино да се спречи одреден проблем отколку да се лечи.
Познавање на медицинската историја
Превентивните прегледи ќе ви овозможат да ја разберете подобро вашата семејна медицинска историја. Ова може да биде од исклучително значење кога станува збор за болести како рак, заболувања на срцето и одредени автоимуни болести.
На кого му се потребни превентивни прегледи?
Превентивните прегледи се најнеопходни за луѓето кои спаѓаат во работоспособно население односно на возраст од 35-65 кои се склони за добивање на болести поврзани со начинот на живеење. Докторите препорачуваат редовни годишни прегледи за мажи над 35 години и жени над 40 години. Ако во вашето семејство има историја на некое конкретно заболување или состојба, тогаш со превентивни прегледи односно скрининг треба да започне 10 години пред заболувањето да биде дијагностицирано кај најмладиот член. На пример, ако во семејната историја постојат болести како дијабетес, покачен крвен притисок, висок холестерол или различни видови канцер, со превентивни прегледи треба да се започне порано.
Превентивни прегледи во зависност од возраста
0-9 години: Фокусот треба да биде на здравите навики и одредени тестови треба да се прават само по консултација со вашиот матичен лекар. Може да се направат тестови за холестерол, дијабетес, анемија, дали детето е со правилен раст и развој и дали има прекумерна телесна тежина како и тестови за хепатит Б, хепатит Ц и туберкулоза. Редовна вакцинација според календарот за имунизација.
10-19 години: Вообичаено тестовите вклучуваат мерење на тежина и висина, крвна слика, крвен притисок, липиден статус, гинеколошки преглед и ПАП тест (за девојчиња), испитување на видот, ушен преглед, хепатит Ц и вакцинирање според календарот за имунизација.
20-29 години: Слични тестови како во групата од 10-19 години, со редовна посета на стоматолог.
30-40 години: Фокусот треба да биде на крвниот притисок, ЕКГ, крвна слика, липиден статус, гинеколошки преглед и ПАП тест (за жени), испитувања на видот, посета на стоматолог, хепатит Ц и останати превентивни прегледи по препорака на вашиот матичен лекар. На оваа возраст жените исто така треба да започнат со самопреглед на дојка и ехо и мамографски прегледи.
Над 60 години: Се продолжува со редовна контрола на крвниот притисок, ЕКГ и мерење на телесната тежина но тука следуваат и тестови за колоректален канцер и преглед на простата за мажи. Редовен гинеколошки преглед и пап тест за жените, испитување на видот, липиден статус, тестови за дензитет на коските, преглед кај ОРЛ специјалист заради слухот.
Зошто превентивни прегледи?
Превентивните прегледи се едно од главните „оружја“ во одржување на добро здравје и спречување на одредени болести. Со тоа што ќе бидете проактивни и ќе се грижите за здравјето преку редовна посета кај матичниот лекар кој ќе ви ги препорача превентивните прегледи, вие не само што инвестирате во своето здравје туку и заштедувате на долг рок. Затоа, нека превентивните прегледни бидат дел од вашата рутина кои ќе допринесат да имате поздрав и посреќен животен век!
Извор: https://health-e.in/blog/preventive-health-checkups/
