Споделете со пријателите!

На поголемиот дел од Европа ова лето му се закануваат опасни топлотни бранови, објави метеоролошкиот сервис AccuWeather во својата голема прогноза за летото што доаѓа.
Летото веќе започна во некои делови на Европа минатиот викенд со температури кои се искачија до 30 степени целизусови. Топлотните бранови би можеле да бидат тренд ова лето во Европа, според летната прогноза за 2019 година.

Според најавите од УХМР наредните денови се очекуваат повисоки температури над просекот за овој период од годината.

Препораки за населението за заштита од штетни здравствени ефекти од топлотни бранови:

Како да се однесуваме при високи температури!

ЗА ВОЗРАСНИ

За време на топлотни бранови, Вашето здравје може да се влоши брзо. Треба да се преземат одредени мерки на претпазливост за да бидете поудобни и да ги намалите здравствените ризици за Вас и Вашите најблиски.

Освежувајте се често:

  • Бидете добро хидрирани. Пијте 6-8 чаши безбедна вода дневно.
  • Често туширајте се, за да се лади телото.
  • Поминувајте најмалку 2 часа на ден во климатизирани места (библиотеки, трговски центри и сл.).

Заштитете се од топлина:

  • Ограничете го физичкиот напор. Ограничете ја физичката активност, особено во средината на денот, кога е најтопло.
  • Носете светла облека и лесна облека, наочари за УВ заштита и капа.
  • Користете креми со заштитен УВ фактор.
  • Следете ги препораките на здравствените установи од вашиот регион.
  • Избегнувајте непотребно излегување надвор во период од 10 до 17 часот.
  • Одбегнувајте алкохол и акохолни пијалоци, како и пијалоци шо содржат кофеин како и екстремно ладни пијалоци.
  • Избегнувајте премногу масна и високо калорична храна, како и храна која содржи шеќери.
     

ЗА БЕБИЊА И ДЕЦА

За време на топлотни бранови, здравјето на бебињата и децата може да се влоши брзо. Треба да се преземат одредени мерки на претпазливост за да им биде поудобно и да се намалат здравствените ризици.

Хидрирајте ги Вашите деца:

  • Дајте им чаша вода на секои 20 минути.
  • Почесто доете го Вашето бебе.

Освежувајте ги Вашите деца често:

  • Во базен или во бања или туш најмалку двапати дневно.
  • Освежете ја кожата со влажна крпа неколку пати на ден.

Заштитете ги Вашите деца од топлина:

  • Облечете ги во лесна облека.
  • Покријте ја главата со широка шапка.
  • Никогаш не ги оставајте сами во слабо вентилирана просторија.
  • Никогаш не ги оставајте сами во затворен автомобил изложен на директно сонце.
Прочитајте:  Министерот Тодоров во Братислава се сретна со министрите за здравство на Словачка и на Холандија

Ограничете ја нивната изложеност на топлина:

  • Ограничете ги нивните активности на отворено, како што се спортските натпревари и други физички активности во најтоплиот дел од денот.
  • Планирајте активности на отворено пред 10 часот и по 15 часот. Кога топлината е помалку интензивна и Ув зрачење е помало. 

Акутни ефекти како резултат на изложеност на високи температури, како што се сончаница, топлотен удар, топлотни грчеви, функционални нарушувања на централниот нервен систем и други. Сите овие негативни ефекти се превентабилни, односно можеме да ги спречиме.

Ако чуствувате зашеметеност, слабост, вознемиреност или имате интензивна жед и главоболка, побарајте помош, преместете се на постудено место колку што е можно побрзo. Веднаш напиjте се вода или негазиран минарален пијалак за да се рехидрирате. Ако имате болен мускулен грч најчесто во нозете, рацете и стомакот, што побрзо одморете се на студено место и напијте се течност која содржи електролити. Лекарска помош е потребна ако топлотните грчеви траат подолго од еден час. Ако некој член на Вaшето семејство или лице на кое помагате има топла и сува кожа или е во бессознание, веднаш повикајте 194!

Додека се чека итната медицинска помош префлете го на студено место и ставете го во хоризонтална положба, подигнете ги нозете и колковите; отстранете ја гардеробата, воспоставете надворешно ладење како студени облоги на вратот, пазувите и слабините, постојано ладете го и прскајте ја кожата со вода;

Хронично болните, посебно тие со срцеви, невролошки и белодробни болести потребно е да бидат посебно дисциплинирани во однос на овие препораки и редовно да ја земаат својата редовна терапија. За сите промени во здравствената состојба задолжително да се консултираат својот матичен лекар.

Други можни ризици по здравјето при високи температури се:

  • Труење со храна и појавата на цревни заразни заболувања!
  • Пред употреба задолжително е миење на земјоделско-градинарските производи (свеж зеленчук и овошје) со безбедна вода за пиење.
  • Термичка подготовка на храна и нејзина консумација веднаш по подготовката. Ако тоа не се направи, така подготвената храна да се стави во фиржидер на +4оС, а пред употребата да се загрее на +100оС.
  • Избегнувајте прехрамбени производи кои термички не се обработени, и бидете внимателни со консумација на сладолед и разни кремови.

Превземено од: Институт за јавно здравје на Република Македонија

Прочитајте повеќе»


Споделете со пријателите!