potpeceni-lepcinja-so-spanak
Споделете со пријателите!

Едноставен и вкусен појадок
Рецептот што следи е многу едноставен, а резултатот е многу повеќе од збир на неколку состојки. Прво, одличен е за искористување на голема количина стар леб, кој ви останал од претходните денови. Второ, најтешкиот дел е рендање кашкавал. И трето и најважно, печениве лепчиња излегуваат многу поимпресивни и повкусни отколку што може да замислите.

  • 1 векна француски долг леб (или половина обичен леб – стар најмалку 1 ден);
  • 6 јајца;
  • пола литар млеко;
  • 300 gr. исчистен спанаќ;
  • 12 суви домати (рехидрирани во топла вода или од тегла);
  • 200 – 250 gr. кашкавал или сирење;
  • пола лажиче сол.

Исечете го лебот на парчиња, не многу тенки, големина околу 2 залака. Исечете ги сувите домати ситно. Ставете го спанаќот во поголем длабок сад и полијте го со зовриена вода. Нема потреба спаќот да се вари, жешката вода веднаш ќе го омекне. Исцедете го спанаќот и исечете го. Изрендајте го кашкавалот. Во голем сад со вилушка изматете ги јајцата со млекото и додајте пола лажиче сол. Намачкајте длабоко тавче за печење со малку масло. Наредете еден ред парчиња леб, полијте ги со пола од смесата со јајца, па наредете го спанаќот, малку кашкавал и пола од доматите. Наредете уште еден слој лепчиња, а останатата половина од доматите, полијте ги со остатокот од јајцата и на крај наредете го остатокот од кашкавалот. Оставете ги лепчињата околу 20 мин. да го впијат млекото и јајцата, и не се грижете ако изгледа дека во тавчето има премногу течност. Лебот сето тоа ќе го впие.

Прочитајте:  Солени пченкарни мафини

Доколку сакате да готвите рано сабајле за да ги воодушевите гостите, сето ова направете го навечер и целото тавче ставете го во фрижидер преку ноќ. Загрејте ја рерната на 200° Ц и печете ги лепчињата (да не бидат покриени), околу 45 – 50 минути. Кога горниот слој ќе биде убаво запечен, лепчињата се готови.

Рецептов многу лесно е прилагодува. Не ви треба доза за 6 лица? Преполовете го рецептот. Немате спанаќ, нема проблем, може да го направите со шунка и бело сирење, пржен праз или пржени печурки, или парчиња колбасица. Дури и само со сирење или кашкавал, или со мешавина од двете, печениве лепчиња се одлични!

Бон аппетит, и бидете спремни за сериозни комплименти!

* рецептите со во целост превземени од ситно сецкано


Споделете со пријателите!