За поголемиот дел од Европскиот регион на СЗО, треба да бидеме подготвени за долго, жешко лето.
Временските услови предвидуваат претстојното лето да биде потопло и посуво од вообичаеното во Регионот. Јавноста, медицинските професионалци и јавните здравствени власти треба да бидат подготвени за топлотни бранови и да ги спречат и справат со можните здравствени последици од изложеноста на топлина. Ова е особено важно оваа година заради тековните проблеми со појава на коронавирусна болест (COVID-19) сите вклучително и вулнерабилните треба да бидат советувани да останат дома како што се воспоставени препораките.
Фреквенцијата, интензитетот и времетраењето на топлотните бранови се зголемуваат, со значителен засилувачки тренд во Регионот, што е многу загрижувачко за Јавното здравство. Поради климатските промени, потенцијалот за опасна изложеност на екстремна топлина се влошува во последните децении и ќе продолжи да се влошува во Регионот во иднина. Неодамнешните студии проценуваат дека веројатноста за затоплување е зголемена за 31 европски град (престолнини на Европската унија плус Лондон, Москва, Осло и Цирих) и откриле дека сите испитани европски метрополитски области ќе бидат поранливи на екстремната топлина во наредните децении. Научниот консензус е дека климатските промени ќе ја зголемат оптовареноста со заболувања поврзано со топлината, доколку не спроведеме силни нивоа на адаптација. Ова е исто така од големо значење за да се избегне дополнително оптеретување на системите за здравствена заштита во време кога тие веќе се строго напрегнати за лекување на пациенти со COVID-19.
Секоја година, високите температури влијаат на здравјето на многу луѓе, особено постарите лица, новороденчињата, луѓето кои работат на отворено и хронично болните. Топлината може да предизвика исцрпеност и топлотен удар и може да ги влоши постојните состојби – како што се кардиоваскуларни, респираторни, бубрежни или ментални заболувања. Несаканите влијанија врз здравјето на топлото време во голема мерка се спречуваат преку добра пракса на јавно здравје, истовремено следејќи ги советите за да се заштитите од COVID-19.
Чувајте се оладени на топло.
Чувајте се вон од топлината.
Одржувајте го вашиот дом ладен.
Чувајте го вашето тело ладно и хидрирано.
Останете на ладно за време на COVID епидемијата.
Планови за дејствување на топлина и здравје.
Превземено од: Институт за јавно здравје на Република Македонија
