Сменете го вкусот на класичната пица и направете ја оваа пица со спанаќ
За подготовка на оваа пица, не е потребно многу време бидејќи тестото е всушност она брзо тесто што се прави за десет минути, рецепт којшто може да го најдете овде. Спанаќот е едноставно зготвен, со брз бешамел сос и лукче. Количината на состојките прикажани во овој рецепт е за една голема пица (30 х 40 см) или 3-4 помали пици.
- 1 кесичка квасец (7 г);
- 1 ½ шолја млака вода;
- 1 лажичка мед;
- 1 лажичка сол;
- 1 лажица маслиново масло;
- 3 ¾ шолји брашно (пола бело, пола интегрално).
Во голема вангла помешајте ги водата и квасецот, а потоа и медот, солта и маслиновото масло. Додајте го брашното и измешајте сé со дрвена лажица. Оставете го тестото, покриено со крпа, да отстои околу 10 минути, или додека подготвите зајре за пицата. Вклучете ја рерната на 200°C.
Најголемото тавче од рерната премачкајте го со масло и посипете го со палента. Префрлете го тестото во тавчето и со притискање со прсти намачкани со масло, раширете го до краевите на тавчето или направете помали пици.
- ½ кг спанаќ;
- малку путер (или сончогледово масло);
- 1 – 2 чешниња лукче, истолчени;
- ½ лажица брашно;
- 250 мл млеко
Распоредете го спанаќот врз тестото. Посипете го со рендан кашкавал и скршете по едно јајце во средината. Печете ја пицата околу 15 минути, или додека тестото не е заруменето, а јајцето зготвено или ровко онолку колку што сакате. Потоа посипете го јајцето со сол и свежо мелен бибер.
* рецептите со во целост преземени од ситно сецкано
