Над 80 отсто од пациентите задоволни од функционирањето на МојТермин

Последното истражување на Министерството за здравство, спроведено во јули оваа година, покажа дека над 80 отсто од пациентите се задоволни од функционирањето на системот „Мој Термин“, информираше на вчерашната прес-конференција, Милан Аризанковски, проект-менаџер на Националниот систем за закажување прегледи Мој Термин, при што истакна дека процентот на задоволни пациенти пораснал за 12.5 отсто од минатото истражување.

Најголемиот број од пациентите во истражуавњето покажува дека 93.8 проценти не им се случило да дојдат на закажан преглед, а притоа докторот да не е во амбуланта, а претходно пациентите да не се известени за тоа. Тука се бележи подобрување од минатото истражување, истакна Аризанковски.

Исто така, податоците од истражувањето покажуваат дека докторите ја почитуваат обврската за навремено да ги известуваат пациентите за непредвидените  отсуства на лекарите или дефектите на апаратите за кое се должни телефонски или писмено да ги известат дека нивниот термин е одложен.