MBI е нова техника која ги надополнува класичните мамографски прегледи и ултразвукот без употреба на скалпел
За да се спречи и навремено санира канцерот на дојка, неопходно е честото самопрегледување, но и чести превентивни медицински прегледи. Молекуларно скенирање на дојка – MBI претставува тест што користи радиоактивен трагач и специјална камера за да го пронајде ракот на дојка.
Ваквиот начин на скенирање ги прикажува разликите во активноста на ткивото. Ткивото коешто содржи клетки што растат и се делат со неверојатно брзо темпо, како канцерогените клетки, на сликата се покажуваат како посветли во однос на помалку активното ткиво.
За време на овој преглед, мало количество на радиоактивен трагач е инјектиран интравенски во рака. Трагачот се врзува за канцерогените клетки во дојката, коишто потоа можат лесно да бидат детектирани со помош на специјална гама камера (нуклеарна медицинска камера) што ја детектира гама радијацијата ослободена од трагачот. MBI се користи за откривање на рак на дојка кај жените со густо ткиво во дојките, како и за проверка на абнормалностите во дојките. Молекуларното скенирање на дојка – MBI е релативно нова технологија, па поради тоа сè уште не е на широко достапна.
Експертите тврдат дека оваа процедура е безбедна, но како и при секое тестирање, постојат одредени ризици:
- Изложеност на ниско ниво на радијација;
- Алергиски реакции предизвикани од трагачот;
- Тестот може да открие нешто, кое по додатните испитувања се потврдува дека не е канцер;
- Тестот не може да ги детектира сите видови на рак.
Доколку сте изложени на просечен ризик од појава на рак на дојка и доколку немате густо ткиво во градите, тогаш мамографијата останува основната алатка за скенирање на вашите дојки, препорачуваат од Breastcancer.org. Исто така, многу доктори веруваат дека за повеќето поситни жени, мамографијата е подобар избор отколку MBI.
