Иновација за полесен и побрз третман на лицата кои добиваат мозочен удар
Секоја година во САД, речиси 800.000 луѓе страдаат од мозочен удар или напад на мозокот. Ова се случува кога артеријата која го снабдува со крв делот од мозокот станува блокирана и доведува до крварење во мозокот. Во исхемичен мозочен удар доаѓа до згрутчување на крвта, додека останатите 10 проценти од нападите се нарекуваат хеморагична аневризма кога крвните садови се распрснуваат.
Статистиката покажува дека на секои 40 секунди во светот се случува по еден мозочен удар, а на секои четири минути еден американец починува од мозочен удар. Мозочниот удар моментално е четврта водечка причина за смрт во оваа земја и број еден во голем дел од светот. Иако многу луѓе преживеале удар или неколку удари, сепак мозочниот удар е сеуште и број еден причина за инвалидитет.
Мозочениот удар има големо влијание врз здравјето на луѓето. Кога протокот на крв е прекинат на еден дел од мозокот, невроните на мозокот неможат да пренесуваат кислород и хранливи материи потребни за да функционира правилно. Рокот од неколку минути, понекогаш значи и трајно оштетување на мозочните клетки. По неколку часа на нарушен проток на крв до мозокот, невроните почнуваат да изумираат, а функцијата на мозокот е изгубена.
Последиците од мозочен удар може да бидат катастрофални: Оштетување на нервните клетки како резултат на мозочен удар често е постојана, што доведува до нарушувања како што се потешкотии при одење, зборување и размислување.
Со одобрување од FDA во 1996 година за користење итен лек за мозочен удар или ткивен тип на плазминоген активатор наречен r-tPA, лекарите конечно имаат третман за исхемичниот мозочен удар кој е најзастапен вид на удари. Со овој лек може ефикасно да се скрши згрутчување на крвта, која го попречува протокот на крв до мозокот и на тој начин протокот на крв продолжува, а повредите на мозокот се минимизирани и ризикот од траен инвалидитет намален.
Загубеното време и секоја секунда се многу драгоцени за лицата кои доживуваат мозочен удар: Со секоја измината минута се проценува дека два милиони мозочни келии умираат. Колку побрзо t-PA е дадена по мозочниот удар, толку успехот за заздравување е подобар и поефикасен. Најдобро е да се даде во рок од еден час од пристигнувањето во болница, но може да се користи и до 4-5 часа од почетокот на симптомите.
Со цел да се подобрат резултатите од мозочен удар, неколку болници во Германија и САД користат специјално опремени мобилни амбулантни возила за третман на мозочен удар. Тие се опремени со сите потребни елементи за евалуација за итни случаи и третман на мозочен удар.
Овие хај-тек амбулантни возила, ги сочинуваат болничар за интензивна нега, медицинска сестра, КТ технолог и невролог кои се грижат пациенти со симптоми на мозочен удар навреме и во добра состојба да бидат доведени на одделот за итни случаи.
Целта е да се зачува оптималната функција на мозокот со вршење на невролошка евалуација, што ја прави точна дијагнозата и администрирањето на t-PA што е можно побрзо, односно 11 минути по пристигнувањето на местото на настанот. Ова спречува често менување на ефектитете од мозочниот удар, пред тие да доведат до трајни повреди на мозокот.
Колку побрзо исхемичниот мозочен удар е препознат, толку побрзо може да се одреди ефикасен третман. Мобилената единица за третман на мозочен удар преку посебно преносна компјутеризирана томографија (КТ) скенер зема од мозокот слики во две минути, кои потоа брзо се испраќаат преку 4G широкопојасен безжичен линк до болницата за невролозите да ги протолкуваат и да постават дијагноза. Овие лекари потоа пропишуваат третман на пациентот преку видео линк, а потоа врз основа на типот на мозочен удар и тежината на истиот пациентот се пренесува до најсоодветната болница во реонот.
Откако ќе биде откриен исхемичен мозочен удар, t-PA терапијата започнува веднаш во брза помош и пред доаѓањето во болница, со тоа драстично се намалува времето од дијагнозата до третман. Благодарение на мобилната единица за мозочен удар, многу од преживеаните се опоравени целосно и им се вратени нивните претходни нивоа на функција.
