Споделете со пријателите!
Совршено освежување за летните жешки денови
Високите температури се веќе дел од нашето секојдневие, а нашите тела имаат потреба од хидратација и освежување. Треба да пиеме многу течности за да ги надоместиме течностите кои сме ги изгубиле преку потењето. Иако водата е едно од најдобрите решенија кога станува збор за хидратација во летните денови, понекогаш една добра лимонада може да направи чуда. Прочитајте како да ја приготвите и што побргу вкусете ја лимонадата со јагоди и босилек.
Состојки потребни за подготвување на лимонада за 8 луѓе:
• 1 филџан шеќер
• 3 филџани исечкани свежи јагоди
• 20 крупно исечкани листови босилек со средна големина
• 1 ½ филџан свежо исцеден сок од лимон
- Ставете го шеќерот во сад отпорен на топлина и додадете 1 филџан зовриена вода. Мешајте додека се растопи шеќерот и оставете шербетот да се излади.
- Ставете ги јагодите и листовите босилек заедно со ¼ од шербетот во блендер за да се направи изедначена смеса.
- За да ја направите лимонадата наполнете ја чашата со мраз и додадете 3 супени лажици сок од лимон, 3 супени лажици од смесата со јагодите и босилекот, ½ филџан ладна вода, и 1 до 2 супени лажици шербет во зависност од тоа колку сакате лимонадата да биде блага.
Добро промешаната лимонада послужете ја веднаш.
Споделете со пријателите!
