lecenje-sodentalni-implanti
Споделете со пријателите!

 

Што се дентални импланти?

Денталните импланти се вештачка замена за коренот на забот, вметнати во виличната коска. Овозможуваат пренос на џвакопритисокот во коскеното ткиво, а со тоа ja стимулираат регенерација на коската и после загубата на забот. Естетските и функционалните проблеми предизвикани од загуба на заби се третираат и со мостови и протези, но овие методи не го решаваат проблемот на атрофијата на виличната коската. Затоа денес правилниот медицински приод кон загубата на забите е со поставување на дентални импланти.

Наједноставно објаснување на денталните импланти е она каде тие се претставуваат како навртки или штрафови изработени од медицински титаниумски легури, од кој врвните брендови користат легура со квалитет 5 – grade 5. Титаниумот претставува природен елемент кој има најдобри механички својства и највисок степен на прифаќање од човечкото тело. Титаниумот е стандард за сите биолошки импланти (ортопедија, стоматологија, кардиохирургија и сл.).

Над имплантот може да се постави надградба (абатмен) и коронка или да се фиксираат мостови или протези.

Постојат повеќе дизајни на дентални импланти и во последните 20 години тоа е гранка од стоматологијата со најмногу развој и технолошки патенти. Во моментот доминираат дизајните со:

  • Комбинација на конусовидно и цилиндрично тело на имплантот (Tapered) со кој се имитира дизајнот на природниот дентален корен;
  • Со хексагонална врска помеѓу имплантот и абатментот (Hexed) која овозможува максимална механичка стабилност и биолошки запечатена средина;
  • Ласерска обработка на вратот на имплантот за супериорна осеоинтеграција (Laser-Lok). Стимулација на осебластите (коскените клетки) да интегрираат со телото на имплантот;
  • Титаниумска легура со квалитет ниво 5 – Titanium (Ti) Aluminium Vanadium Alloy (Ti, Al-6%, V-4%) Ti6Al4V Grade 5.

zapacientImplant-267x300

 

  1. Меки ткива
  2. Корен
  3. Заб
  4. Порцеланска коронка
  5. Дентален имплант
  6. Коска
Прочитајте:  Здравјето кај мажите,
прегледи кои живот значат

 

singletooth

Предности при лечење на загуба на заби со дентални импланти

Лечењето со дентални импланти при загуба на заб или тотална беззабост веќе станува стандард во стоматологијата и развојот во последните 20 години на оваа област донесе многу технолошки патенти и врвни клинички резултати.

Од таму препораката до пациентите и стоматолозите е секогаш да го земат во предвид третманот на лечење на парцијалнатата или тоталната беззабост со поставување на дентални импланти. Заклучокот од ова кратко претставување на денталните импланти е дека, при лечење со дентални импланти се постигнуваат следниве цели:

  • Се спречува понатамошна загуба на коската на вилицата;
  • Се спречува промена на физиономијата на лицето и ефектот на предвремено стареење;
  • Се враќа природната и здрава насмевка;
  • Се пренесува џвакопритисокот врз целата вилица на физиолошки и природен начин;
  • Го задржува високото ниво на  хигиена во усната шуплина;
  • Го запазува процесот на дигестија на храната;
  • Целосна самодоверба кај лицата со загубени заби.

Споделете со пријателите!