Колачи со киноа

Киноата многу лесно и брзо се готви и може да се употреби наместо житарки а во овој рецепт е дел од вкусни колачи 

Веќе некое време и кај нас може да се најде киноа. Ако не сте ја пробале до сега, направете го тоа. Киноата многу лесно и брзо се готви, а може да се употреби наместо ориз, кус-кус, булгур или друга житарка. Добро оди со печен зеленчук, месо и риба, може да се стави во супи и чорби или во салати, вкусна е и долго ќе ве држи сити. А овде ви ја предлагаме киноата како дел од вкусни колачи, кои се супер со ладно кафе или ладен чај.

Но најпрво, прочитајте како да ја зготвите киноата

Киноата се вари во вода во однос 1:2. Од 1 шолја несварена киноа, се добиваат околу 3 шолји сварена. Многу е важно прво да ја измиете убаво, за да се отстрани горчливиот вкус. Ставете ја во голема цедалка и мешајте ја со рака под млаз ладна вода.

Ставете ја киноата да се вари во тенџере со вода (на една шолја киноа – 2 шолји вода), а кога ќе зоврие, намалете ја температурата на најниско, покријте го тенџерето со капак и оставете го да се готви 15 минути. Потоа тргнете го тенџерето од шпорет, оставете го да стои покриено 5 минути, па измешајте ја киноата со вилушка да се раздвојат грутките и можете да ја послужите или пак почекајте да се олади за да ја употребите во колачите.

Изматете го убаво путерот со шеќерот, ванилата и медот, со миксер. Додајте ги јајцата, изматете повторно убаво па ставете го брашното, прашокот за пециво и содата и повторно изматете. Додајте ги киноата, овесните снегулки, сувото грозје, бадемите и чиата и измешајте го сето тоа со лажица. Обложете големо тавче со хартија за печење, земајте од смесата по лажица-две и редете ги колачите на 2 см едно од друго. Печете ги околу 12 – 15 минути во рерна загреана на 180°C. Излегуваат околу 20 – 25 колачи, во зависност од големината.

* рецептите со во целост преземени од ситно сецкано