Едноставно колаче со кокос од кое целиот дом ќе ви мириса на цимет и кокос
Еве едно прекрасно едноставно колаче. Рецептот е од австралискиот готвач Бил Гранџер. Лесно се прави, а освен тоа дома ќе ви мириса на ванила, цимет и кокос цел ден. Највкусно е топло, ама и следните неколку дена е убаво, ако воопшто потрае толку долго.
- 2 и пол шолји брашно (користете шолја од 250 мл);
- 1 ванилин шеќер;
- 1 шолја шеќер;
- 2 лажички прашок за печење;
- 2 лажичиња цимет;
- 150 гр. кокос;
- 2 јајца;
- 300 мл. млеко;
- 75 гр. путер, стопен.
Загрејте ја рерната на 180ºC степени. Во голем сад измешајте ги сувите состојки, па потоа додајте ги млекото, стопениот путер и јајцата. Со голема лажица или матало измешајте, ама не многу, за да ви остане тестото ровко. Тавчето намачкајте го со масло и посипете го со брашно. Може во повисоко тавче со димензии 20 x 10 см, ама можете да го печете и во пониско, но пошироко тавче. Внимавајте во тој случај на времетo на печење, бидејќи ќе биде готово многу побрзо. Печете го околу 60 мин. додека не зарумени и сосема се испече. Оставете да се олади во тавчето неколку минути, па извадете го и уживајте!
* рецептите со во целост преземени од ситно сецкано
